Veita frelsi 11. október 2016 10:00 Kvikmynd Erlings Óttars, Child Eater, gerist í litlum bæ í Bandaríkjunum og segir frá ungri stúlku sem er fengin til að passa lítinn strák sem síðan hverfur sporlaust. Ég hef verið mikill aðdáandi hryllingsmynda frá því ég var barn. Eitt af því sem heillar mig við hrollvekjur er tilfinningin sem maður upplifir þegar maður situr í fullum bíósal og allir eru spenntir og öskrandi. En faglega, þá heillar frelsið. Hrollvekjur veita manni mikið frelsi til að gera alls konar skrýtna hluti og leika sér með myndmálið og myndavélina. Ætli það megi ekki segja að hrollvekjan hafi fundið mig og ég gefið mig henni á vald,“ segir leikstjórinn Erlingur Óttar Thoroddsen um hrollvekjuna Child Eater sem verður heimsfrumsýnd á Brooklyn Horror Film Festival þann 16. október. Myndin, sem er fyrsta kvikmynd leikstjórans í fullri lengd, er lokamynd hátíðarinnar og seldist upp á sýningu hennar á innan við klukkustund. Erlingur Óttar útskrifaðist með MFA-gráðu í kvikmyndaleikstjórn frá Columbia University í New York árið 2013. Lokaverkefni hans frá skólanum voru stuttmyndirnar Child Eater og The Banishing, en sú fyrri hlaut mikið lof frá gagnrýnendum og var sýnd á kvikmyndahátíðum víða um heim. Child Eater gerist í litlum bæ í Bandaríkjunum og segir frá ungri stúlku sem er fengin til að passa lítinn strák sem síðan hverfur sporlaust. „Í bænum gengur saga manna á milli um dularfullan mann sem býr í skóginum og borðar augun úr börnum svo hann verði sjálfur ekki blindur. Litli strákurinn segir barnfóstrunni frá manni sem felur sig inni í skápnum í herberginu hans og svo hverfur hann og stelpan fer út að leita,“ segir Erlingur þegar hann er beðinn um að lýsa söguþræði myndarinnar. „Hugmyndin var að gera mynd í anda hrollvekja níunda áratugarins með íkonísku illmenni, eins og Nightmare on Elmstreet. Eftir velgengni stuttmyndarinnar kom upp sú pæling að gera mynd í fullri lengd. Vandinn sem við stóðum frammi fyrir þá var hvernig við ætluðum að lengja hana og fylla í eyðurnar,“ útskýrir hann. Við tók langt ferli þar sem Erlingur Óttar skrifaði fjölda uppkasta að lengra handriti. „Þegar maður byrjar skrifar maður eins og maður sé með endalaust fjármagn, en svo þarf maður að sníða sér stakk eftir vexti, þannig að handritið breyttist heilan helling frá fyrsta uppkasti og til þess síðasta.“Erlingur Óttar ?Thoroddsen, leikstjóri.Inntur eftir því hvort hann sé fyrsti íslenski leikstjórinn sem sérhæfir sig í hrollvekjum, telur Erlingur svo vera. „Það eru auðvitað til íslenskar hrollvekjur, en þeir leikstjórar hafa þá yfirleitt gert bara eina hrollvekju og svo snúið sér að öðrum verkefnum. Ég held að ég sé sá eini sem hefur sérhæft sig í þessari tegund kvikmynda.“ Aðspurður segir hann ýmis verkefni í bígerð – allt hrollvekjur, auðvitað – og það sé bara spurning hvaða verkefni verði fyrst fyrir valinu. „Ég er líka að leggja lokahönd á mynd sem ber heitið Rökkur og var tekin upp á Íslandi í vor. Svo hef ég átt fundi með hinum og þessum aðilum innan bransans úti í Bandaríkjunum, en þetta er þannig heimur að fólk talar mikið og stórt þannig að maður veit aldrei hvað kemur út úr þeim fundum. Ég lít bara á þetta sem tækifæri til að kynnast fólki og stækka tengslanetið.“ Child Eater verður Evrópufrumsýnd í Bíói Paradís þann 28. október, helgina fyrir hrekkjavöku.Erlingur Óttar, leikstjóri, Child EaterSara McMahon Mest lesið Slíta sambandinu en vinna áfram saman Lífið Ace Frehley látinn af slysförum Lífið Páll Baldvin fer fram gegn tillögu kjörnefndar Menning „Við eigum bara eitt líf og ég ætla því að lifa því eins og ég vil“ Lífið Katrín Odds og Þorgerður ástfangnar á frumsýningu Tónlist Ingunn Svala kaupir glæsihús Jóhanns Bergs á Arnarnesi Lífið Kasóléttur forystusauður, ungstirni og engilfagrar kanónur Tíska og hönnun Battlefield 6: Gamli góði Battlefield er snúinn aftur Leikjavísir Cillian mærir Kiljan Lífið Rúrik hlaut verðlaun sem rísandi stjarna ársins Lífið Fleiri fréttir Cillian mærir Kiljan Slíta sambandinu en vinna áfram saman „Við hvern ert þú að tala?“ Bjóða öllum sem vilja heim í útgáfupartí Rúrik hlaut verðlaun sem rísandi stjarna ársins Ingunn Svala kaupir glæsihús Jóhanns Bergs á Arnarnesi „Við eigum bara eitt líf og ég ætla því að lifa því eins og ég vil“ Ace Frehley látinn af slysförum Íslensk hönnun á forsíðu Wall Street Journal: „Hún hafði samband við mig á Instagram“ Hnusað af hreindýraskít á leið upp „fullkomið fjölskyldufjall“ „Draumar geta ræst“ „Við erum orðlaus yfir hæfileikunum“ Hugmynd Chris Hemsworth að synda í kringum Ísland Ljóstrar upp um kornið sem fyllti mælinn Tíu smart kósýgallar „Stöðugar gaslýsingar“ Federline gríðarlega særandi Tulipop-leiksvæði opnað á Keflavíkurflugvelli Leikkonur á túr: Fimm verstu rasshausa-ummælin „Ef ég vil breyta heiminum þarf ég að byrja á mér sjálfri“ Fékk Laufeyju í afmælið: „Maggi bróðir hefur alltaf verið betri en aðrir að gefa gjafir“ Leyndarmál Móu að hinni fullkomnu kvöldförðun Allt jafnt fyrir lokaspurninguna og spurt var um stað Vakti yfir sofandi sonunum vopnuð hnífi Stíflaður mjólkurkirtill reyndist ólæknandi krabbamein „Lífið gefur okkur mislangan tíma og ég vil nýta minn til hins ýtrasta“ Þúsundir fögnuðu Steinu og sögulegu samstarfi Helen Óttars og Rubin Pollock slá sér upp Alma Möller, Binni Glee og Sigríður Snævarr saman í bíó Plakatarisi og uppáhalds listamaður Spielberg allur Hélt auganu en missti af frumsýningu eftir að hafa fengið golfkúlu í andlitið Sjá meira
Ég hef verið mikill aðdáandi hryllingsmynda frá því ég var barn. Eitt af því sem heillar mig við hrollvekjur er tilfinningin sem maður upplifir þegar maður situr í fullum bíósal og allir eru spenntir og öskrandi. En faglega, þá heillar frelsið. Hrollvekjur veita manni mikið frelsi til að gera alls konar skrýtna hluti og leika sér með myndmálið og myndavélina. Ætli það megi ekki segja að hrollvekjan hafi fundið mig og ég gefið mig henni á vald,“ segir leikstjórinn Erlingur Óttar Thoroddsen um hrollvekjuna Child Eater sem verður heimsfrumsýnd á Brooklyn Horror Film Festival þann 16. október. Myndin, sem er fyrsta kvikmynd leikstjórans í fullri lengd, er lokamynd hátíðarinnar og seldist upp á sýningu hennar á innan við klukkustund. Erlingur Óttar útskrifaðist með MFA-gráðu í kvikmyndaleikstjórn frá Columbia University í New York árið 2013. Lokaverkefni hans frá skólanum voru stuttmyndirnar Child Eater og The Banishing, en sú fyrri hlaut mikið lof frá gagnrýnendum og var sýnd á kvikmyndahátíðum víða um heim. Child Eater gerist í litlum bæ í Bandaríkjunum og segir frá ungri stúlku sem er fengin til að passa lítinn strák sem síðan hverfur sporlaust. „Í bænum gengur saga manna á milli um dularfullan mann sem býr í skóginum og borðar augun úr börnum svo hann verði sjálfur ekki blindur. Litli strákurinn segir barnfóstrunni frá manni sem felur sig inni í skápnum í herberginu hans og svo hverfur hann og stelpan fer út að leita,“ segir Erlingur þegar hann er beðinn um að lýsa söguþræði myndarinnar. „Hugmyndin var að gera mynd í anda hrollvekja níunda áratugarins með íkonísku illmenni, eins og Nightmare on Elmstreet. Eftir velgengni stuttmyndarinnar kom upp sú pæling að gera mynd í fullri lengd. Vandinn sem við stóðum frammi fyrir þá var hvernig við ætluðum að lengja hana og fylla í eyðurnar,“ útskýrir hann. Við tók langt ferli þar sem Erlingur Óttar skrifaði fjölda uppkasta að lengra handriti. „Þegar maður byrjar skrifar maður eins og maður sé með endalaust fjármagn, en svo þarf maður að sníða sér stakk eftir vexti, þannig að handritið breyttist heilan helling frá fyrsta uppkasti og til þess síðasta.“Erlingur Óttar ?Thoroddsen, leikstjóri.Inntur eftir því hvort hann sé fyrsti íslenski leikstjórinn sem sérhæfir sig í hrollvekjum, telur Erlingur svo vera. „Það eru auðvitað til íslenskar hrollvekjur, en þeir leikstjórar hafa þá yfirleitt gert bara eina hrollvekju og svo snúið sér að öðrum verkefnum. Ég held að ég sé sá eini sem hefur sérhæft sig í þessari tegund kvikmynda.“ Aðspurður segir hann ýmis verkefni í bígerð – allt hrollvekjur, auðvitað – og það sé bara spurning hvaða verkefni verði fyrst fyrir valinu. „Ég er líka að leggja lokahönd á mynd sem ber heitið Rökkur og var tekin upp á Íslandi í vor. Svo hef ég átt fundi með hinum og þessum aðilum innan bransans úti í Bandaríkjunum, en þetta er þannig heimur að fólk talar mikið og stórt þannig að maður veit aldrei hvað kemur út úr þeim fundum. Ég lít bara á þetta sem tækifæri til að kynnast fólki og stækka tengslanetið.“ Child Eater verður Evrópufrumsýnd í Bíói Paradís þann 28. október, helgina fyrir hrekkjavöku.Erlingur Óttar, leikstjóri, Child EaterSara McMahon
Mest lesið Slíta sambandinu en vinna áfram saman Lífið Ace Frehley látinn af slysförum Lífið Páll Baldvin fer fram gegn tillögu kjörnefndar Menning „Við eigum bara eitt líf og ég ætla því að lifa því eins og ég vil“ Lífið Katrín Odds og Þorgerður ástfangnar á frumsýningu Tónlist Ingunn Svala kaupir glæsihús Jóhanns Bergs á Arnarnesi Lífið Kasóléttur forystusauður, ungstirni og engilfagrar kanónur Tíska og hönnun Battlefield 6: Gamli góði Battlefield er snúinn aftur Leikjavísir Cillian mærir Kiljan Lífið Rúrik hlaut verðlaun sem rísandi stjarna ársins Lífið Fleiri fréttir Cillian mærir Kiljan Slíta sambandinu en vinna áfram saman „Við hvern ert þú að tala?“ Bjóða öllum sem vilja heim í útgáfupartí Rúrik hlaut verðlaun sem rísandi stjarna ársins Ingunn Svala kaupir glæsihús Jóhanns Bergs á Arnarnesi „Við eigum bara eitt líf og ég ætla því að lifa því eins og ég vil“ Ace Frehley látinn af slysförum Íslensk hönnun á forsíðu Wall Street Journal: „Hún hafði samband við mig á Instagram“ Hnusað af hreindýraskít á leið upp „fullkomið fjölskyldufjall“ „Draumar geta ræst“ „Við erum orðlaus yfir hæfileikunum“ Hugmynd Chris Hemsworth að synda í kringum Ísland Ljóstrar upp um kornið sem fyllti mælinn Tíu smart kósýgallar „Stöðugar gaslýsingar“ Federline gríðarlega særandi Tulipop-leiksvæði opnað á Keflavíkurflugvelli Leikkonur á túr: Fimm verstu rasshausa-ummælin „Ef ég vil breyta heiminum þarf ég að byrja á mér sjálfri“ Fékk Laufeyju í afmælið: „Maggi bróðir hefur alltaf verið betri en aðrir að gefa gjafir“ Leyndarmál Móu að hinni fullkomnu kvöldförðun Allt jafnt fyrir lokaspurninguna og spurt var um stað Vakti yfir sofandi sonunum vopnuð hnífi Stíflaður mjólkurkirtill reyndist ólæknandi krabbamein „Lífið gefur okkur mislangan tíma og ég vil nýta minn til hins ýtrasta“ Þúsundir fögnuðu Steinu og sögulegu samstarfi Helen Óttars og Rubin Pollock slá sér upp Alma Möller, Binni Glee og Sigríður Snævarr saman í bíó Plakatarisi og uppáhalds listamaður Spielberg allur Hélt auganu en missti af frumsýningu eftir að hafa fengið golfkúlu í andlitið Sjá meira