Fýla eða framsókn Ívar Halldórsson skrifar 3. október 2016 13:40 Framsóknarmaður af fundi gekk Fúll því að formennsku eigi hann fékk Atkvæðin talin Útkoman galin Full saklaus flæktist Í Framsóknarhrekk Mig langar til að trúa því að kjörnir fulltrúar flokka séu að vinna fyrir fólkið í landinu fyrst og fremst. Ég verð þó að viðurkenna að stundum reynist mér erfitt að trúa því. Loforð drjúpa af vörum stjórnmálamanna eins og himneskt hunang en eftirbragðið er oft beiskt og brennisteinskennt - sér í lagi þegar í ljós kemur að fyrirheit þeirra eru oft ekki annað en loðin pólitísk leikflétta til að viðhalda vígi og völdum. Svona las ég skilaboðin og margir aðrir þegar Sigmundur Davíð gekk einn og fýldur út af flokksþingi, eftir að meirihluti flokksbræðra hans sammæltust um að flokkurinn nyti meira trausts kjósenda með Sigurð Inga í stafni. Ég viðurkenni að ég varð fyrir miklum vonbrigðum þegar ljóst var að Sigmundur Davíð styddi ekki vilja flokksins og virtist ekki geta borið virðingu fyrir vilja kjósenda í landinu. Það sem þarna átti sér stað innan Framsóknarflokksins er eins og póstkortaútgáfa af plakatinu sem er fyrir allra augum í landi okkar. Á plakatinu eru pólitíkusar í pollagöllum sem berjast um fötur og skóflur sem þeir eiga ekki einu sinni sjálfir. Áhöldin fá þeir að láni frá okkur sem fylgjumst vel með fyrir utan pólitíska sandkassann. Stjórnmálamenn ættu aldrei að gleyma því að valdið kemur frá okkur; fólkinu í landinu. Ef fólkið í landinu álítur að valdið eigi að færast manna á milli þýðir ekkert fyrir stjórnmálamenn að setja stút á munninn og reyna að sniðganga lýðræðislegan vilja landans. Þannig fýkur öll virðing út í veður og vind. Stjórnmálamenn fara í dag á mis við svo ótal mörg tækifæri til að afla sér virðingar meðal landans. Við, fólkið í landinu, vitum að stjórnmálamenn eru ekki ofurhetjur eða fullkomnar verur. Við vitum að þeir eru breyskir og taka oft kjánalegar og vanhugsaðar ákvarðanir- eins og við. Þeir mismæla sig, missa skapið og gera hluti í fljótfærni sem þeir sjá svo margir eftir - eins og við. Það sem flestir þeirra átta sig ekki á er að við erum ekki eins miskunnarlaus og þeir virðast halda, á meðan þeir ríghalda í ráðherrastóla sína og embætti. Við viljum bara að það sé komið heiðarlega fram við okkur. Við viljum sannleikann. Við viljum ekki hroka og endalausar afsakanir. Við viljum að komið sé fram við okkur eins og jafningja, en ekki eins og við séum einhverjar hraðahindranir á framabraut þeirra. Það er allt í lagi að biðjast fyrirgefningar. Allir vilja vera beðnir fyrirgefningar þegar þeir telja að einhver hafi brugðist þeim eða finnst einhver hafa misnotað umboð sitt. Að biðjast fyrirgefningar er ekki opinber yfirlýsing um að vera „lúser“. Þvert á móti er það virðingarvert athæfi sem krefst heilmikils kjarks. Að biðjast fyrirgefningar ber vott um að virðing sé til staðar fyrir þeirri manneskju sem brotið hefur verið á og er um leið yfirlýsing um skilning á þeim erfiðleikum sem athæfið kann að hafa valdið viðkomandi. Það þarf stóra manneskju til að viðurkenna mistök sín og afhenda þeim sem honum valdið gaf, lyklana að sinni nánustu framtíð. Það er allt of sjaldan sem maður heyrir orðin „Fyrirgefðu mér“. Kannski er það vegna þess að hinum kristnu gildum hefur verið ýtt út í kant í okkar pólitíska umhverfi. Ég ber virðingu fyrir þeim sem viðurkenna mistök sín. Mig langar til að gefa slíku fólki fleiri tækifæri en þeim sem reyna að réttlæta allt sem þeir gera til að reyna að líta vel út. Þetta eru nefnilega ekki endilega mistökin, eða stærð þeirra, sem vega þyngst þegar upp er staðið. Öllu heldur hversu mikið viðkomandi þykir fyrir því að trúnaðarbrestur hafi átt sér stað. Kannski er ekkert sem hefði getað forðað Sigmundi frá formennskumissinum, en maður veltir þó fyrir sér hvort staðan væri önnur og ef til vill betri ef hann hefði á einhverjum tímapunkti sagt: „Ég klúðraði ýmsu með Wintris-málið og tók klaufalega á málunum. Ég vildi óska þess að ég hefði tekið öðru vísi á málunum. Ég tek fúslega fulla ábyrgð á þeim skaða sem umræðan um minn fjárhag hefur valdið. Ég olli landsmönnum vonbrigðum og brást trausti þeirra sem studdu mig, og það harma ég mjög. Fyrirgefið mér. Þetta kemur ekki fyrir aftur.“ Kannski hefði Sigurður Ingi verið kosinn formaður þrátt fyrir þetta - kannski ekki. Það skiptir ekki öllu máli. Andrúmsloftið í landinu hefði þó að öllum líkum verið léttara. Fjöldi fólks hefði fyrirgefið Sigmundi Davíð klúðrið og gefið honum annað tækifæri. Ég er viss um það. Sigmundur Davíð hefði trúlega ekki vikið af kjörfundi án þess að lýsa yfir stuðningi við Sigurð Inga og flokkinn sinn. Heildarmyndin hefði verið skýrari í huga hans og hann hefði ekki viljað halda áfram sem formaður án umboðs meirihlutans. Hann hefði hugsað meira um vilja þjóðarinnar og hag flokksins en sinn eiginn. Hann hefði gætt þess að skaða ekki flokkinn með skapi sínu eins því miður varð raunin er úrslitin voru ljós. Einlæg eftirsjáin hefði göfgað hann og kjósendur hefðu kunnað að meta það að hann tæki ábyrgð á gjörðum sínum; jafnt góðum sem slæmum. Ég held að gamla góða auðmýktin hefði orðið til þess að auka virðingu hans jafnt fyrir þeim sem valdinu beita, og fyrir þeim sem valdið gefa – fyrir fólkinu í landinu. Salómon Davíðsson, hinn vellauðugi og vísi konungur, komst ágætlega að orði er hann miðlaði af visku sinni í Orðskviðum Biblíunnar:„Hroki mannsins lægir hann, en hinn lítilláti mun virðing hljóta.“ (Orðskviðirnir 29:23) Viltu birta grein á Vísi? Sendu okkur póst. Senda grein Ívar Halldórsson Kosningar 2016 Skoðun Mest lesið Hamas og átökin við Ísrael – hvað er ekki sagt upphátt? Einar G Harðarson Skoðun Opið bréf til stjórnvalda Elín Ýr Arnar Hafdísardóttir Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Við skuldum þeim að hlusta Ólafur Adolfsson Skoðun Næstu sólarhringar á Gaza skipta sköpum Hlynur Már Vilhjálmsson Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun Þjóðareign, trú og skattar Svanur Guðmundsson Skoðun Lífið er eins og konfektkassi, þú veist aldrei hvernig mola þú færð Elín Íris Fanndal Skoðun Hvers virði er lambakjöt? Hafliði Halldórsson Skoðun Skoðun Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Sjá meira
Framsóknarmaður af fundi gekk Fúll því að formennsku eigi hann fékk Atkvæðin talin Útkoman galin Full saklaus flæktist Í Framsóknarhrekk Mig langar til að trúa því að kjörnir fulltrúar flokka séu að vinna fyrir fólkið í landinu fyrst og fremst. Ég verð þó að viðurkenna að stundum reynist mér erfitt að trúa því. Loforð drjúpa af vörum stjórnmálamanna eins og himneskt hunang en eftirbragðið er oft beiskt og brennisteinskennt - sér í lagi þegar í ljós kemur að fyrirheit þeirra eru oft ekki annað en loðin pólitísk leikflétta til að viðhalda vígi og völdum. Svona las ég skilaboðin og margir aðrir þegar Sigmundur Davíð gekk einn og fýldur út af flokksþingi, eftir að meirihluti flokksbræðra hans sammæltust um að flokkurinn nyti meira trausts kjósenda með Sigurð Inga í stafni. Ég viðurkenni að ég varð fyrir miklum vonbrigðum þegar ljóst var að Sigmundur Davíð styddi ekki vilja flokksins og virtist ekki geta borið virðingu fyrir vilja kjósenda í landinu. Það sem þarna átti sér stað innan Framsóknarflokksins er eins og póstkortaútgáfa af plakatinu sem er fyrir allra augum í landi okkar. Á plakatinu eru pólitíkusar í pollagöllum sem berjast um fötur og skóflur sem þeir eiga ekki einu sinni sjálfir. Áhöldin fá þeir að láni frá okkur sem fylgjumst vel með fyrir utan pólitíska sandkassann. Stjórnmálamenn ættu aldrei að gleyma því að valdið kemur frá okkur; fólkinu í landinu. Ef fólkið í landinu álítur að valdið eigi að færast manna á milli þýðir ekkert fyrir stjórnmálamenn að setja stút á munninn og reyna að sniðganga lýðræðislegan vilja landans. Þannig fýkur öll virðing út í veður og vind. Stjórnmálamenn fara í dag á mis við svo ótal mörg tækifæri til að afla sér virðingar meðal landans. Við, fólkið í landinu, vitum að stjórnmálamenn eru ekki ofurhetjur eða fullkomnar verur. Við vitum að þeir eru breyskir og taka oft kjánalegar og vanhugsaðar ákvarðanir- eins og við. Þeir mismæla sig, missa skapið og gera hluti í fljótfærni sem þeir sjá svo margir eftir - eins og við. Það sem flestir þeirra átta sig ekki á er að við erum ekki eins miskunnarlaus og þeir virðast halda, á meðan þeir ríghalda í ráðherrastóla sína og embætti. Við viljum bara að það sé komið heiðarlega fram við okkur. Við viljum sannleikann. Við viljum ekki hroka og endalausar afsakanir. Við viljum að komið sé fram við okkur eins og jafningja, en ekki eins og við séum einhverjar hraðahindranir á framabraut þeirra. Það er allt í lagi að biðjast fyrirgefningar. Allir vilja vera beðnir fyrirgefningar þegar þeir telja að einhver hafi brugðist þeim eða finnst einhver hafa misnotað umboð sitt. Að biðjast fyrirgefningar er ekki opinber yfirlýsing um að vera „lúser“. Þvert á móti er það virðingarvert athæfi sem krefst heilmikils kjarks. Að biðjast fyrirgefningar ber vott um að virðing sé til staðar fyrir þeirri manneskju sem brotið hefur verið á og er um leið yfirlýsing um skilning á þeim erfiðleikum sem athæfið kann að hafa valdið viðkomandi. Það þarf stóra manneskju til að viðurkenna mistök sín og afhenda þeim sem honum valdið gaf, lyklana að sinni nánustu framtíð. Það er allt of sjaldan sem maður heyrir orðin „Fyrirgefðu mér“. Kannski er það vegna þess að hinum kristnu gildum hefur verið ýtt út í kant í okkar pólitíska umhverfi. Ég ber virðingu fyrir þeim sem viðurkenna mistök sín. Mig langar til að gefa slíku fólki fleiri tækifæri en þeim sem reyna að réttlæta allt sem þeir gera til að reyna að líta vel út. Þetta eru nefnilega ekki endilega mistökin, eða stærð þeirra, sem vega þyngst þegar upp er staðið. Öllu heldur hversu mikið viðkomandi þykir fyrir því að trúnaðarbrestur hafi átt sér stað. Kannski er ekkert sem hefði getað forðað Sigmundi frá formennskumissinum, en maður veltir þó fyrir sér hvort staðan væri önnur og ef til vill betri ef hann hefði á einhverjum tímapunkti sagt: „Ég klúðraði ýmsu með Wintris-málið og tók klaufalega á málunum. Ég vildi óska þess að ég hefði tekið öðru vísi á málunum. Ég tek fúslega fulla ábyrgð á þeim skaða sem umræðan um minn fjárhag hefur valdið. Ég olli landsmönnum vonbrigðum og brást trausti þeirra sem studdu mig, og það harma ég mjög. Fyrirgefið mér. Þetta kemur ekki fyrir aftur.“ Kannski hefði Sigurður Ingi verið kosinn formaður þrátt fyrir þetta - kannski ekki. Það skiptir ekki öllu máli. Andrúmsloftið í landinu hefði þó að öllum líkum verið léttara. Fjöldi fólks hefði fyrirgefið Sigmundi Davíð klúðrið og gefið honum annað tækifæri. Ég er viss um það. Sigmundur Davíð hefði trúlega ekki vikið af kjörfundi án þess að lýsa yfir stuðningi við Sigurð Inga og flokkinn sinn. Heildarmyndin hefði verið skýrari í huga hans og hann hefði ekki viljað halda áfram sem formaður án umboðs meirihlutans. Hann hefði hugsað meira um vilja þjóðarinnar og hag flokksins en sinn eiginn. Hann hefði gætt þess að skaða ekki flokkinn með skapi sínu eins því miður varð raunin er úrslitin voru ljós. Einlæg eftirsjáin hefði göfgað hann og kjósendur hefðu kunnað að meta það að hann tæki ábyrgð á gjörðum sínum; jafnt góðum sem slæmum. Ég held að gamla góða auðmýktin hefði orðið til þess að auka virðingu hans jafnt fyrir þeim sem valdinu beita, og fyrir þeim sem valdið gefa – fyrir fólkinu í landinu. Salómon Davíðsson, hinn vellauðugi og vísi konungur, komst ágætlega að orði er hann miðlaði af visku sinni í Orðskviðum Biblíunnar:„Hroki mannsins lægir hann, en hinn lítilláti mun virðing hljóta.“ (Orðskviðirnir 29:23)
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir Skoðun