Einn í haldi vegna rannsóknar á morði á Íslendingi í Svíþjóð

Þrjátíu og átta ára gamall karlmaður hefur verið úrskurðaður í gæsluvarðhald vegna rannsóknar á morði á íslenskum karlmanni í Stokkhólmi á mánudag í síðustu viku. Þetta kemur fram í frétt á vef Morgunblaðsins.

Íslendingurinn var 35 ára Íslendingur sem hafði búið í Svíþjóð frá tveggja ára aldri. Árásin átti sér stað á ósamþykktu tjaldsvæði við Akallalänken í vesturhluta Stokkhólms, mikilvægri umferðaræð milli höfuðborgarinnar og Järfälla. Maðurinn fannst liggjandi í blóði sínu um hádegisbil á mánudag og var fluttur á sjúkrahús með þyrlu þar sem hann var úrskurðaður látinn nokkru síðar.

Vitni segja manninn hafa verið stunginn með hnífi um fimmtán sinnum og síðar ítrekað laminn með járnstöng.