Hrekkur eða ofbeldi? Setti chilli á túrtappa kærustunnar - Myndband

Hrekkir eru alltaf vinsælir á veraldarvefnum og eru sumir þeirra grófari en aðrir. Einn sá allra grófasti sem komið hefur fram kemur frá Brad Holmes sem hefur oft leikið kærustuna sína grátt.

Á dögunum gekk hann langt yfir strikið og smurði chilli á túrtappann hennar. Eðlilega brást hún illa við og lét Holmes heyra það. Hrekkur mannsins hefur verið fordæmdur um allan heim og vakið upp gríðarlega reiði. Hann hefur í raun verið tekinn af lífi á samfélagsmiðlum og það réttilega. 

Holmes hefur áður vakið athygli fyrir hrekki sína en hann klippti taglið af hári hennar á síðasta ári, og það þegar konan var að leggja sig. Alls ekki er hægt að útiloka að umræddur hrekkur sé í raun settur á svið, þar sem Brad Holmes, og margir aðrir virðast lifa á því að gera myndbönd „viral“.

Hér að neðan má sjá þessa tvo hrekki.