Segir Johnny Depp hafa barið sig

Amber Heard segir eiginmann sinn Johnny Depp hafa beitt sig ofbeldi og fer fram á nálgunarbann gegn honum. Hún sótti einnig um skilnað á dögunum. Leikkonan mætti í réttarsal í dag samkvæmt TMZ, en þar er því haldið fram að hún hafi verið með myndir af áverkum sem Depp er sagður hafa veitt henni á meðan á hjónabandi þeirra hefur staðið.

TMZ birtir einnig mynd af Heard þar sem hún virðist marin í kringum augað. Heard og Depp giftu sig í febrúar í fyrra.

Fyrr í dag var sagt frá því í miðlum erlendis að Depp vildi ljúka skilnaðinum af eins fljótt og auðið væri.