Nær dauða en lífi eftir að sirkusatriði fór úrskeiðis – Myndband

Það er alltaf mikil spenna í loftinu þegar sirkusinn kemur í bæinn og þekkjum við Íslendingar það vel. Sirkusatriði fær fólk oft til að missa andlitið og trúir það ekki sínum eigin augum en stundum vill það gerast að eitthvað fer úrskeiðis.

Ben Garnham, 37 ár Walesverji, lenti einmitt í því þegar hann var fenginn upp á svið til að aðstoða við eitt sirkusatriði. Hann endaði á sjúkrahúsi eftir að 100 kílóa trúður lenti ofan á honum.

„Ég hélt fyrst að hann ætlaði að láta mig gera eitthvað fyndið og skvetta kannski vatni framan í mig og allir myndu hlæja. Aftur á móti man ég ekkert hvað gerðist,“ segir Ben.

„Ég steinrotaðist og rankaði við mér baksviðs eftir nokkrar mínútur.“

Amber,19 ára dóttir Ben, náði atvikinu á myndband og má sjá það neðst í fréttinni.

„Það eina sem ég man eftir var að ég átti að beygja mig niður og síðan varð allt svart,“ segir Ben sem hefur nú horft á atriðið og segir að það líkist frekar einhverju sem eigi heima inni í glímuhring.

„Ég er bara þakklátur fyrir það að vera enn á lífi og einnig að hafa ekki lamast hreinlega. Ég er mjög svekktur með það hvernig farið var með mig á sviðinu. Ég var bara dreginn baksviðs og ef þetta hefði verið alvarlegra þá má ekki hreyfa fólk sem verður fyrir svona meiðslum.“

Hann segir að starfsfólk sirkussins hefðu átt að sjá að þetta var alvarlegt og hann lenti mjög illa á hálsinu.

„Ég hefði getað endað lamaður fyrir lífstíð. Það verður að vera einhver á staðnum sem er sérstaklega menntaður í svona aðstæðum, til að koma í veg fyrir að skelfileg slys eigi sér stað.“

Eftir atvikið eiga börn að hafa spurt foreldra sína hvort maðurinn væri dáinn. Ben ákvað að kæra ekki forsvarsmenn sirkussins og vildi frekar vekja athygli á þeim hættum sem geta leynst inni í sirkustjaldinu. Hér að neðan má sjá atvikið sem er ekki fyrir viðkvæma.