Fiskbollur í karrísósu í umferð sem ekki eru öruggar til neyslu

Ora hefur tekið úr sölu og innkallar nú Ora Fiskbollur í Karrísósu í 850 gramma umbúðum. Varan er með lotunúmerið: L1A0912 0070 og best fyrir dagsetninguna 31. 03. 2020.

„Ástæða innköllunarinnar er að mistök urðu við hitun vörunar og hún telst því ekki örugg til neyslu. Með öryggi neytenda í forgangi er því ákveðið að innkalla þetta lotunúmer,“ segir í tilkynningu frá Ora.

Þetta ákveðna lotunúmer hefur fengist í eftirfarandi verslunum:  Verslunin Hlíðarkaup, Krónan, Nóatún, Kaupfélag Skagfirðinga, Nettó og Úrval. Neytendum sem keypt hafa vöruna er í tilkynningunni bent á að þeir geti skilað vörunni í þá verslun þar sem hún var keypt.

„ORA biður neytendur velvirðingar á þeim óþægindum sem af þessu getur skapast.“