Elísabet Englandsdrottning níutíu ára: Vinsæll þjóðhöfðingi fagnar í dag

Enginn breskur þjóðhöfðingi hefur verið lengur við völd en Elísabet II Englandsdrottning, hún var krýnd þann 2. júní 1952. Hún fagnar afmælinu með göngutúr um landið í kringum Windsor-kastala.

Elísabet II fagnar níutíu ára afmæli sínu í dag. Ár hvert heldur hún upp á tvö afmæli, annars vegar fæðingardegi sínum, 21. apríl, og svo deginum sem hún var krýnd drottning, 2. júní. Hátíðahöldin hófust í gær með opnun sýningar Konunglegu póstþjónustunnar í Windsor-kastala. Elísabet var viðstödd opnunina.

Í dag fer hún svo í göngutúr um landið í kringum Windsor-kastala ásamt eiginmanni sínum, Filippusi prins. Í göngutúrnum mun minnisvarði um það sem kallað er gönguleið drottningarinnar verða afhjúpaður en gönguleiðin er 6,3 kílómetra löng og tengir saman 63 áhugaverða staði í Windsor. 

Hátíðahöldin halda áfram í kvöld þegar drottningin mun kveikja ljós í vita en kveikt verður á um 900 vitum í Bretlandi og víðsvegar um heiminn til að fagna afmælinu. 

Á morgun munu síðan Barack Obama, Bandaríkjaforseti, og Michelle Obama, kona hans, borða hádegismat með Elísabetu í Windsor-kastala. Í tilefni afmælisins verða gefin út tíu ný frímerki, en Georg prins, sonur Vilhjálms hertoga og Katrínar hertogaynju, og sá þriðji í röðina til að erfa krúnuna er í fyrsta sinn á frímerki. Georg er á frímerkinu ásamt langömmu sinni, drottningunni, afa sínum, Karli prins, og svo pabba, Vilhjálmi. Georg litli þurfti að standa uppi á kubbi til að vera nokkurn veginn í sömu hæð við pabba, afa og langömmu.

Gæti náð rúmlega sjötíu árum á drottningarstól

Langlífi er í fjölskyldunni, en móðir Elísabetar Englandsdrottning, Elísabet drottningamóðirin lést árið 2002 á 102. aldursári. Því gæti verið að Elísabet nái að fagna hundrað ára afmæli sínu í drottningastól.

Þann 9. september síðastliðinn hafði Elísabet setið lengur en Viktoría drottning langamma hennar. Til að setja hlutina í samhengi hafa tólf menn gegnt embætti forseta Bandaríkjanna í valdatíð hennar. 

Þann 20. nóvember 1947 giftist Elísabet fjórmenningi sínum Prins Filipusi og þau eignuðust sitt fyrsta barn Karl bretaprins árið 1948. Karl er því orðinn sá erfðaprins sem hefur beðið hve lengst eftir því að verða konungur. 

Fyrr á árinu hafði Elísabet ávarpað Breta, þá 21 árs gömul, og heitið þeim ævarandi þjónustu sinni. 

„Ég heiti ykkur því að allt líf mínu, hvort sem það verður langlíft eða skammlíft, skal helgað þjónustu minni við ykkur,“ sagði þá verðandi drottning Bretlands en hún var staðsett í Suður-Afríku. „En ég mun ekki hafa styrk í að standa við þessi orð nema þið standið með mér eins og ég býð ykkur nú að gera.“ Áratugum síðar treysta og trúa Bretar enn á þessi orð og drottninguna sína en konungsfjölskyldan nýtur gífurlegra vinsælda hjá Bretum. Drottningin var til að mynda kjörin eftirlætis þjóðhöfðingi Breta fyrr og síðar.