Einsleitt veður næstu daga

Útlit er fyrir nokkuð einsleitt veður næstu dagana en samt er að sjá að vind lægi heldur seinni partinn í dag, að sögn Veðurstofu Íslands. Búist er við að hiti, úrkoma og skýjahula verði svipuð og verið hefur síðustu daga en víða er útlit fyrir bjart og fallegt veður á morgun.

Í dag má búast við sunnan og suðaustan 8 til 15 metrum á sekúndu norðan- og austanlands. Dálítil rigning eða súld en bjartviðri á Norður- og Austurlandi. Dregur úr vindi og úrkomu í dag, einkum síðdegis. Suðaustan 5 til 13 SV-til á morgun, en annars hæg suðlæg eða breytileg átt. Bjartviðri víðast hvar. Hiti 4 til 10 stig að deginum, hlýjast NA-lands.

Veðurhorfur næstu daga:

Á fimmtudag og föstudag:

Sunnan- og suðaustan 3-10 m/s og léttskýjað, en skýjað með köflum V-lands. Hiti 2 til 8 stig yfir daginn.

Á laugardag og sunnudag:

Vestlæg átt, 5-13 og rigning eða súld en hægari suðlæg átt og bjartiviðri austantil. Hiti 1 til 6 stig.

Á mánudag:

Suðlæg átt, milt og fremur vætusamt, einkum sunnan- og vestantil.

Á þriðjudag:

Útlit fyrir milda og vætusama sunnanátt, en suðvestlægari og kólnar seinnipartinn.