Kristófer og félagar unnu á flautukörfu | Myndband

Kristófer Acox skoraði 11 stig og tók níu fráköst þegar Furman vann ævintýralegan sigur á Louisiana Monroe Warhawks í fyrsta leik sínum á Colleinsider.com mótinu.

Kristófer og félögum var boðið að taka þátt í mótinu eftir að þeir féllu úr leik fyrir East Tennessee State í undanúrslitum SoCon keppninnar í byrjun mánaðarins.

Leikurinn gegn Louisiana var gríðarlega jafn en úrslitin réðust á flautukörfu Daniels Fowler, leikmanns Furman.

Flautukörfuna ótrúlegu má sjá hér að neðan.

Kristófer skoraði sem fyrr sagði 11 stig og tók níu fráköst en hann stal einnig þremur boltum og varði tvö skot. Kristófer hitti úr fimm af níu skotum sínum utan af velli.

Buzzer Beater at Furman from CollegeInsider.com 2 on Vimeo.