Árásarmaður svipti sig lífi

Vopnaður maður skaut einn til bana og særði tvo í Sydney í nótt, áður en hann var króaður af af lögreglu. Eftir nokkurra klukkustunda umsátur svipti maðurinn sig lífi. Mennirnir tveir sem eru særðir eru sagðir vera í stöðugu ástandi.

Maðurinn er talinn hafa verið vopnaður sjálfvirkum riffli.

Árásarmaðurinn tók gísla í verksmiðju í suðurhluta borgarinnar. Skömmu áður en hann framdi sjálfsmorð sáust þrír einstaklingar, sem taldir eru hafa verið gíslar, yfirgefa verksmiðjuna. Lögreglan segist hafa verið í viðræðum við manninn.