Talið upp úr kjörkössunum í New Hampshire

Forkosningar Repúblikanaflokksins og Demókrataflokksins í New Hampshire fara fram í dag. Búist er við að niðurstaðan verði í grófum dráttum ljós í nótt þó að lokatölur liggi ef til vill ekki fyrir fyrr en á morgun.

Á meðal Repúblikana vonast Donald Trump til að honum gangi betur en í Iowa-ríki í síðustu viku þar sem Ted Cruz vann sigur og fékk flesta kjörmenn kjörna.

Í forkosningum Demókrataflokksins stendur baráttan milli þeirra Bernie Sanders og Hillary Clinton.

Sjá einnig:Allt sem þú þarft að vita um forkosningarnar í Bandaríkjunum

Allir níu kjörgengir íbúar smábæjarins Dixville Notch greiddu atkvæði strax á miðnætti, en lög í New Hampshire heimila bæjum með færri en hundrað íbúa að opna kjörstaði strax á miðnætti og loka þeim aftur um leið og allir hafa greitt atkvæði.

Fjórir Demókratar í Dixville Notch greiddu atkvæði með Bernie Sanders, en þrír Repúblikanar kusu John Kasich og tveir Donald Trump.

Fylgjast má með útsendingu Fox 10 Phoenix og Sky News að neðan.