Bílvelta á Hellisheiði

Jeppi fór út af þjóðvegi 1 fyrir ofan Kambana á Hellisheiði í hádeginu í dag. Betur fór en á horfðist og ökumaður bílsins slapp án meiðsla.

Ökumaðurinn var á einn á ferð en samkvæmt upplýsingum frá lögreglunni á Suðurlandi er talsverð hálka á Hellisheiði um þessar mundir. Missti ökumaður stjórn á bílnum með þeim afleiðingum að jeppinn fór út af þjóðveginum áður en hann valt.

Sjúkrabíll var kallaður á vettvang en ekki reyndist þörf á honum þar sem ökumaðurinn slapp ómeiddur frá bílveltunni. Bíllinn er nokkuð skemmdur en lögreglan biður vegfarendur um að fara gætilega á þessum slóðum vegna hálku.