Innlent

Spænsk burðardýr á Litla-Hraun fyrir kókaínsmygl

Kolbeinn Tumi Daðason skrifar
Myndin er úr safni.
Myndin er úr safni. Vísir/GVA
Tveir spænskir karlmenn á þrítugsaldri voru í Héraðsdómi Reykjaness í morgun dæmdir í tólf mánaða fangelsi fyrir að hafa staðið að innflutninig á tæplega hálfu kílói af kókaíni þann 25. október síðastliðinn. Komu þeir til landsins með flugi frá Brüssel í Belgíu en efnin voru falin í líkama þeirra.

 Styrkleiki efnanna var um 35 prósent sem þykir ekki sterkt en í dómnum segir að kókaín sé engu að síður hættulegt efni hefði það komist í umferð. 

 Hvorugur Spánverjanna hefur áður hlotið dóm og þótti ljóst að um burðardýr var að ræða. Þótti ekki ástæða til að skilorðsbinda dóminn en til frádráttar mánuðunum tólf kemur gæsluvarðhald sem þeir hafa setið í undanfarna þrjá mánuði.

Mest lesið


Fleiri fréttir

Sjá meira


×

Mest lesið