Stúdentar bjóða Sigmundi vöfflur

Röskva, samtök félagshyggjufólks við Háskóla Íslands, hefur boðið öllum Alþingismönnum í vöfflur í kosningamiðstöð þeirra við Lækjartorg. Borði var settur upp sem snýr að Stjórnarráðinu sem á segir: „Sigmundur, viltu vöfflu?“ og fékk hann persónulegra boð en flestir aðrir á þingi.

Samkvæmt tilkynningu frá Röskvu er markmið vöffluboðsins að opna á samtal við þingmenn um hagsmuni stúdenta.

„Við viljum leggja áherslu á það í Stúdentaráði að stunda virkt samtal við þingmenn um mál sem okkur varða, svo sem Lánasjóð íslenskra námsmanna, framlög til Háskóla Íslands og fleira,” segir Eydís Blöndal, oddviti Röskvu á hugvísindasviði.

„Flest mál sem rata á borð Alþingis snerta námsmenn með einum eða öðrum hætti, svo samtal við þingmenn er mjög mikilvægt.”

Uppfært 12:30

Sigmundur Davíð sendi frá sér Snapchat í hádeginu sem sjá má hér að til hliðar. Þar veltir hann fyrir sér hvort hann eigi að þiggja boðið eða fjarlæga húsið.