Ástand konunar sem slasaðist stöðugt

„Það hafa orðið nokkur slys þarna á nokkrum árum en þau eru misjafnlega alvarleg. Það er ekki alfarið veginum að kenna en hins vegar er hann ekki nógu góður enda dældóttur. Þá liggur vegurinn í mishæðóttu landslagi,“ segir Páll Björnsson, lögreglustjóri á Norðurlandi vestra, en nokkur alvarleg umferðaslys hafa orðið á Hrútafjarðarhálsi síðastliðin ár.

Síðastliðinn sunnudag slasaðist kona alvarlega í bílslysi á Hrútafjarðarhálsi en henni var haldið sofandi í öndunarvél á gjörgæsludeild Landspítalans þar til gær. Ástand hennar er nú stöðugt.

„Það að bæta úr veginum er á forræði Vegagerðarinnar og verða þau að leggja mat á það hvort svo verði gert,“ segir Páll.

Í svari frá Vegagerðinni segir að tvö banaslys hafi orðið á Hrútafjarðarhálsi frá aldamótum en ekki á sama stað. Síðasta sumar hafi verið unnið að umferðaröryggisúttekt milli Hrútafjarðar og Blönduóss. Á næstu árum verði svo unnið að lagfæringum á umhverfi vegarins en framvinda mun ráðast af fjárveitingum. Umhverfi vegar geti skipt sköpum varðandi afleiðingar slysa sem verða við útafakstur.