Joao Havelange, fyrrverandi forseti FIFA, lést í morgun. Hann var hundrað ára.
Brasilíumaðurinn var formaður FIFA í 24 ár, frá 1974 til 1998. Sepp Blatter tók við starfi hans en Havelange var eins konar lærifaðir Svisslendingsins umdeilda.
Havelange var sömuleiðis mjög umdeildur maður en hann lá lengi undir gagnrýni fyrir spillingu innan FIFA.
Í stjórnartíð Havelange fjölgaði liðum á HM úr 16 í 32 og hann gerði stóra sjónvarpssamninga. Þá fjölgaði aðildarþjóðum FIFA í stjórnartíð Havelange og HM kvenna var sett á laggirnar.
Havelange, sem keppti í sundi fyrir Brasilíu á Ólympíuleikunum 1936 og í sundknattleik 16 árum síðar, sagði af sér sem heiðursforseti FIFA fyrir þremur árum eftir að rannsókn á mútugreiðslum innan sambandsins fór í gang. Havelange slapp við refsingu.
Áður en Havelange varð forseti FIFA var hann forseti brasilíska knattspyrnusambandsins. Brasilía varð þrisvar sinnum heimsmeistari í stjórnartíð hans.
Lærifaðir Blatters látinn
Tengdar fréttir
FBI skoðar þátt Blatter í ISL-skandalnum
Eitt stærsta hneykslismálið hjá FIFA síðustu árin tengist markaðsfyrirtækinu ISL sem fékk öll sjónvarpsréttindi vegna HM.
Eggert um spillinguna hjá FIFA: Maður tók fyrir augun í Argentínu
Spillingin sem bandarísk yfirvöld komu upp um hjá FIFA kom Eggerti Magnússyni, fyrrverandi formanni KSÍ, ekkert á óvart.
Upplýst að Havelange og Teixeira þáðu mútur í starfi hjá FIFA
Joao Havelange og Ricardo Teixeira þáðu fúlgur fjár í mútur í starfi sínu á vegum Alþjóðaknattspyrnusambandsins FIFA. Þetta kemur fram í skýrslu sem afhent var fjölmiðlum í dag.
