Frábær stemning í hópnum fyrir dómararennslið mikilvæga - Myndband

Nú styttist óðfluga í Eurovision-keppnina sem í ár er haldin í Stokkhólmi í Svíþjóð. Fyrra undanúrslitakvöldið verður annað kvöld og ræðst það hvort fulltrúi Íslendinga, Greta Salóme, komist áfram í úrslitin á laugardag.

Í dag mun Greta taka dómararennsli og flytja lagið Hear Them Calling fyrir framan dómnefnd. Gríðarlega mikilvægt er að hún standi sig vel þar sem vægi dómaranna er 50% á móti atkvæðagreiðslunni.

Á dómararennslinu ákveða dómararnir sinn hug og því er mikið undir hjá okkar konu í Stokkhólmi í dag.

Hér að neðan má sjá viðtal við Gretu og hópinn og það má greinilega sjá að stressið er ekkert að plaga hópinn. Vonandi fer þetta allt saman vel.