Fimm menn réðust á dyraverði

Fimm menn réðust að dyravörðum á fimmta tímanum við skemmtistað á Laugarvegi.

Lögregla fékk tilkynningu um málið rétt fyrir fimm í morgun þegar skemmtistaðir miðbæjarins eru vel flestir að loka en það er í rannsókn. Ekki er vitað um líðan aðila eða hvort nokkur var handtekinn.

Tilkynnt var um þjófnað í veitingasölu við Bankastræti um klukkan níu í gærkvöldi. Maður náði að fara í búðarkassa, taka peninga og hlaupa á burtu að því er fram kemur í tilkynningu frá lögreglu.

Þá hafði lögregla í miklu að snúast við að stöðva ölvunarakstur en tólf ökumenn voru stöðvaðir vegna gruns um ölvun við akstur í nótt á höfuðborgarsvæðinu.