Hefur svarað þúsund spurningum á Vísindavefnum

Í dag birtist þúsundasta svar Guðrúnar Kvaran fyrir Vísindavef Háskóla Íslands. Gera má ráð fyrir að orðafjöldi svara hennar gæti fyllt fimm doktorsritgerðir.

Þúsundasta svar Guðrúnar Kvaran er við spurningunni af hverju parísarhjól heiti slíku nafni á íslensku. Í tilkynningu frá Vísindavefnum segir að svör hennar sýnir elju Guðrúnar og um leið mikinn og lifandi áhuga spyrjenda á íslenskri tungu, málfari, orðatiltækjum og almennt öllu því sem snertir málvísindi.

Guðrún hefur aðallega svarað spurningum í tveimur flokkum, íslenskum málvísindum og almennum málvísindum. Heildarfjöldi svara í þessum tveimur flokkum eru 1.413 og því ljóst að Guðrún ber ábyrgð á meginþorra þeirra.

Svör Guðrúnar er oft á tíðum á bilinu 100-300. Ef reiknað er með að meðalfjöldi svaranna sem hún hefur skrifað fyrir Vísindavefinn sé um 200 orð er heildarorðafjöldi svara hennar um 200 þúsund. Hefðbundin doktorsritgerð er um 40 þúsund orð og því mætti segja að svör Guðrúnar fylli fimm doktorsritgerðir.

Guðrún Kvaran er prófessor emerita við Stofnun Árna Magnússonar í íslenskum fræðum. Hún starfaði við Orðabók Háskólans um áratugaskeið sem sérfræðingur, síðar forstöðumaður hennar og prófessor við hugvísindasvið Háskóla Íslands.

Hér má skoða öll svör Guðrúnar Kvaran á Vísindavefnum.