Kári Jónsson átti frábæran leik þegar Haukar unnu öruggan sigur á FSu, 78-103, í Domino's deild karla í gær.
Kári skoraði 26 stig, tók 11 fráköst og gaf 10 stoðsendingar og kom sér þannig á þrennuvegginn svokallaða í Domino's Körfuboltakvöldi en hann er þar í afar góðum félagsskap.
Strákarnir í Körfuboltakvöldi töluðu afar vel um Kára í þætti gærkvöldsins.
„Hann var frábær, á öllum sviðum í þessum leik eins og tölurnar gefa til kynna. Það er alltaf einhver stóísk ró yfir öllu sem hann gerir og þetta virkar svo átakalaust,“ sagði Hermann Hauksson um Kára.
Innslagið í heild sinni má sjá hér að ofan.
