Breytir lífi ungmenna á hjólum Kristjana Björg Guðbrandsdóttir skrifar 6. júlí 2016 07:00 Þorvaldur með góðum hópi í blíðskaparveðri í Siglunesi í gær. Fréttablaðið/Anton Brink Samfélag Ungmenni í hópnum Hjólakrafti hafa náð eftirtektarverðum árangri. „Starfsemi hjólakrafts gengur út á að fá ungt fólk til að gera, frekar en gera ekki,“ segir Þorvaldur Daníelsson sem stofnaði samtökin árið 2014 fyrir börn og unglinga sem hafa háð baráttu við lífsstílssjúkdóma. Upphaflega voru samtökin í samstarfi við Heilsuskóla Landspítalans, þangað sem fjölskyldur ungmenna, sem glíma við ofþyngd eða vanlíðan tengda hreyfingarleysi, leita. Hugmyndin með Hjólakrafti var sú að virkja ungmenni til betra lífs og kynna hjólaíþróttina fyrir þeim sem höfðu ekki fundið sig í öðrum íþróttum. „Ég hef fengið til liðs við mig ungt fólk sem hefur áhuga á hjólreiðum, vill spreyta sig en hefur kannski ekki fengið tækifæri til þess. En líka ungmenni sem hafa ekki áhuga á neinu og hafa jafnvel aldrei verið í íþróttum. Við vinnum svo saman í því að finna tilgang,“ segir Þorvaldur.Starf um allt land Árangurinn hefur ekki látið á sér standa og á tveimur árum hefur starfsemi samtakanna Hjólakrafts breiðst um landið. Nú heldur Þorvaldur námskeið fyrir börn og unglinga í samstarfi við hina ýmsu aðila, svo sem bæjarfélög, skóla og foreldrafélög. Þorvaldur er með hjólahópa á Egilsstöðum, Selfossi, Grindavík, Sandgerði, Garði, Gufunesbæ og opinn hóp í Reykjavík. Þá er Þorvaldur í samstarfi við Norðlingaskóla. WOW Cyclothon í ár var til styrktar uppbyggingu Hjólakrafts og hann heldur því áfram uppbyggingu sinni. Þorvaldur leitast við að hvetja ungmennin í Hjólakrafti áfram og styðja þau. „Fyrst þegar Hjólakraftur keppti í Wow Cyclothoninu vorum við í samstarfi við Heilsuskólann en mig langaði svo að þróa verkefnið áfram og bjóða fleiri velkomna. Það hefur gengið gríðarlega vel og allir eru í raun velkomnir að koma og vera með,“ segir hann. Þorvaldur segir stuðning foreldra skipta miklu máli í því hvernig til tekst. „Þegar foreldrar styðja vel við börn sín, þá gengur betur. Enn betur þegar þeir standa upp af hliðarlínunni og taka þátt sjálfir. Ég er með heilu fjölskyldurnar sem hafa verið að taka alls kyns áskorunum og þykir sjálfum sem þau hafi breytt lífi sínu til hins betra.“Tengslin dýrmæt „Fólk trúir vart árangrinum sem ungmenni og fjölskyldur þeirra hafa náð. Það er svo margt sem gerist. Það myndast tengsl. Tengslin eru okkur öllum svo dýrmæt og tilfinningin að tilheyra,“ segir Þorvaldur sem leggur mikið upp úr samstöðu í Hjólakrafti. „Við erum öll eins klædd, það eyðir öllum mun ef hann er þá til staðar. Við höfum líka fengið aðstoð frá hjólreiðaversluninni Erninum og því hefur þetta gengið eins og í sögu,“ segir hann. Þorvaldur þekkir það sjálfur að venda kvæði sínu í kross og takast á við erfiðleika. Hann missti eiginkonu sína fyrir sjö árum og hefur síðan þá vandað sig við að vera börnum sínum fyrirmynd. „Og reyndar mér sjálfum. Eftir að kona mín veiktist þá varð ég framkvæmdastjóri hjá stuðningsfélaginu Krafti, ég bætti líka við mig námi og tók MBA-gráðu í HR á síðasta ári. Í Krafti var Hjólakraftur stofnaður. Nú er þetta mitt aðalstarf og er lífsviðurværi mitt og barna minna.“ Með Þorvaldi starfar einnig fjöldi fólks sem leggur honum og ungmennunum lið. „Þetta er úrvalslið stuðningsmanna sem vill aðstoða þessa krakka, í hjólaferðum okkar hafa ferðast með sálfræðingar, félagsfræðingar, sjúkraflutningamenn og atvinnubílstjórar. Þá hefur Lukka á veitingastaðnum Happ einnig lagt okkur lið. Næsta vetur verð ég í samstarfi við Icelandic Health Symposium sem ætlar að fræða okkur um næringuna okkar og svo ætlar vinur minn, Tolli Morthens, að koma að málum með mér og fara með okkur í alls kyns vinnu eins og hugleiðslu og slíkt. Hugmyndin að baki Hjólakrafti er að þróast – þetta er ekki komið á neina endastöð. Þetta er gefandi á allan hátt og ég er sjálfur að læra helling á þessu og er að þróa þetta eftir því sem tíminn líður,“ segir Þorvaldur. Wow Cyclothon Mest lesið „Við ætlum að upplifa stóra drauminn hans Kristians Helga” Innlent Lögreglumaður á sjúkrahúsi eftir alvarlega árás á Goslokahátíð Innlent Skipstjóri handtekinn í Reykjavíkurhöfn Innlent Ákvörðun dómsmálaráðherra gríðarleg vonbrigði Innlent „Þeir verða að geta varið sig“: Hættir við að hætta vopnasendingum Erlent Lögreglan lýsir eftir Hebu Ýr Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Vill safna íbúum Gasa í lokaðar búðir og flytja síðan á brott Erlent Bandamenn fá hótunarbréf um 25 til 40 prósent toll Erlent Einu verslun Þingeyringa lokað Innlent Fleiri fréttir Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Spyr hvort berja megi blaðamenn í ljósi sýknudómsins Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Fjársvelt geðheilbrigðisúrræði og boltaleikjabann „Kemur ekki til greina að fresta þessu máli“ Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Sjá meira
Samfélag Ungmenni í hópnum Hjólakrafti hafa náð eftirtektarverðum árangri. „Starfsemi hjólakrafts gengur út á að fá ungt fólk til að gera, frekar en gera ekki,“ segir Þorvaldur Daníelsson sem stofnaði samtökin árið 2014 fyrir börn og unglinga sem hafa háð baráttu við lífsstílssjúkdóma. Upphaflega voru samtökin í samstarfi við Heilsuskóla Landspítalans, þangað sem fjölskyldur ungmenna, sem glíma við ofþyngd eða vanlíðan tengda hreyfingarleysi, leita. Hugmyndin með Hjólakrafti var sú að virkja ungmenni til betra lífs og kynna hjólaíþróttina fyrir þeim sem höfðu ekki fundið sig í öðrum íþróttum. „Ég hef fengið til liðs við mig ungt fólk sem hefur áhuga á hjólreiðum, vill spreyta sig en hefur kannski ekki fengið tækifæri til þess. En líka ungmenni sem hafa ekki áhuga á neinu og hafa jafnvel aldrei verið í íþróttum. Við vinnum svo saman í því að finna tilgang,“ segir Þorvaldur.Starf um allt land Árangurinn hefur ekki látið á sér standa og á tveimur árum hefur starfsemi samtakanna Hjólakrafts breiðst um landið. Nú heldur Þorvaldur námskeið fyrir börn og unglinga í samstarfi við hina ýmsu aðila, svo sem bæjarfélög, skóla og foreldrafélög. Þorvaldur er með hjólahópa á Egilsstöðum, Selfossi, Grindavík, Sandgerði, Garði, Gufunesbæ og opinn hóp í Reykjavík. Þá er Þorvaldur í samstarfi við Norðlingaskóla. WOW Cyclothon í ár var til styrktar uppbyggingu Hjólakrafts og hann heldur því áfram uppbyggingu sinni. Þorvaldur leitast við að hvetja ungmennin í Hjólakrafti áfram og styðja þau. „Fyrst þegar Hjólakraftur keppti í Wow Cyclothoninu vorum við í samstarfi við Heilsuskólann en mig langaði svo að þróa verkefnið áfram og bjóða fleiri velkomna. Það hefur gengið gríðarlega vel og allir eru í raun velkomnir að koma og vera með,“ segir hann. Þorvaldur segir stuðning foreldra skipta miklu máli í því hvernig til tekst. „Þegar foreldrar styðja vel við börn sín, þá gengur betur. Enn betur þegar þeir standa upp af hliðarlínunni og taka þátt sjálfir. Ég er með heilu fjölskyldurnar sem hafa verið að taka alls kyns áskorunum og þykir sjálfum sem þau hafi breytt lífi sínu til hins betra.“Tengslin dýrmæt „Fólk trúir vart árangrinum sem ungmenni og fjölskyldur þeirra hafa náð. Það er svo margt sem gerist. Það myndast tengsl. Tengslin eru okkur öllum svo dýrmæt og tilfinningin að tilheyra,“ segir Þorvaldur sem leggur mikið upp úr samstöðu í Hjólakrafti. „Við erum öll eins klædd, það eyðir öllum mun ef hann er þá til staðar. Við höfum líka fengið aðstoð frá hjólreiðaversluninni Erninum og því hefur þetta gengið eins og í sögu,“ segir hann. Þorvaldur þekkir það sjálfur að venda kvæði sínu í kross og takast á við erfiðleika. Hann missti eiginkonu sína fyrir sjö árum og hefur síðan þá vandað sig við að vera börnum sínum fyrirmynd. „Og reyndar mér sjálfum. Eftir að kona mín veiktist þá varð ég framkvæmdastjóri hjá stuðningsfélaginu Krafti, ég bætti líka við mig námi og tók MBA-gráðu í HR á síðasta ári. Í Krafti var Hjólakraftur stofnaður. Nú er þetta mitt aðalstarf og er lífsviðurværi mitt og barna minna.“ Með Þorvaldi starfar einnig fjöldi fólks sem leggur honum og ungmennunum lið. „Þetta er úrvalslið stuðningsmanna sem vill aðstoða þessa krakka, í hjólaferðum okkar hafa ferðast með sálfræðingar, félagsfræðingar, sjúkraflutningamenn og atvinnubílstjórar. Þá hefur Lukka á veitingastaðnum Happ einnig lagt okkur lið. Næsta vetur verð ég í samstarfi við Icelandic Health Symposium sem ætlar að fræða okkur um næringuna okkar og svo ætlar vinur minn, Tolli Morthens, að koma að málum með mér og fara með okkur í alls kyns vinnu eins og hugleiðslu og slíkt. Hugmyndin að baki Hjólakrafti er að þróast – þetta er ekki komið á neina endastöð. Þetta er gefandi á allan hátt og ég er sjálfur að læra helling á þessu og er að þróa þetta eftir því sem tíminn líður,“ segir Þorvaldur.
Wow Cyclothon Mest lesið „Við ætlum að upplifa stóra drauminn hans Kristians Helga” Innlent Lögreglumaður á sjúkrahúsi eftir alvarlega árás á Goslokahátíð Innlent Skipstjóri handtekinn í Reykjavíkurhöfn Innlent Ákvörðun dómsmálaráðherra gríðarleg vonbrigði Innlent „Þeir verða að geta varið sig“: Hættir við að hætta vopnasendingum Erlent Lögreglan lýsir eftir Hebu Ýr Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Vill safna íbúum Gasa í lokaðar búðir og flytja síðan á brott Erlent Bandamenn fá hótunarbréf um 25 til 40 prósent toll Erlent Einu verslun Þingeyringa lokað Innlent Fleiri fréttir Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Spyr hvort berja megi blaðamenn í ljósi sýknudómsins Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Fjársvelt geðheilbrigðisúrræði og boltaleikjabann „Kemur ekki til greina að fresta þessu máli“ Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Sjá meira
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent