Bróðir Celine Dion dó aðeins tveimur dögum á eftir eiginmanni hennar

Bróðir kanadísku söngkonunnar Celine Dion dó í dag úr krabbameini, aðeins tveimur dögum eftir að hún hafði misst eiginmann sinn úr sama sjúkdómi.

Um var að ræða eldri bróður Dion, Daniel, sem var 59 ára gamall. Talsmaður fjölskyldu Celine hafði tilkynnt fjölmiðlum í gær að bróðir hennar ætti aðeins nokkra daga eftir ólifaða. Hann var einn af þrettán í systkinahópi söngkonunnar.

Eiginmaður hennar, Rene Agelil, dó á fimmtudag, degi fyrir 74. afmælisdag hans, eftir áralanga baráttu við krabbamein í hálsi.