Hjá Síldarvinnslunni fór verðmæti yfir 10 milljarða

Aflaverðmæti skipa Síldarvinnslunnar og dótturfélaga hennar jókst um 23,8 prósent á milli áranna 2014 og 2015 en aflinn jókst um 35 prósent í tonnum talið og ræður þar aflaaukning uppsjávarskipa langmestu. Heildaraflaverðmætið var 8.523 milljónir króna á árinu 2014 en 10.548 milljónir króna á árinu 2015.

Dótturfélög Síldarvinnslunnar eru Gullberg á Seyðisfirði sem gerir út togarann Gullver NS og Bergur-Huginn í Vestmannaeyjum sem gerir út togarana Bergey VE og Vestmannaey VE. Um er að ræða hæsta aflaverðmæti í sögu félagsins, en aflaverðmæti skipanna, Vestmannaeyjar og Bergeyjar, reyndist 2.285 milljónir króna.