Þau taka þátt í Eurovision

Í dag var tilkynnt hvaða tólf lög hafa verið valin í undankeppni Eurovision 2015 hér á landi.

Nöfn þeirra höfunda og flytjenda sem keppa til sigurs voru opinberuð á blaðamannafundi í Útvarpshúsinu.  Þátttakendur voru viðstaddir fundinn.

Tvær undankeppnir fara fram í beinni útsendingu frá Háskólabíói laugardagana 31. janúar og 7. febrúar. Sex lög keppa hvort kvöld.

Úrslitin fara síðan fram laugardaginn 14. febrúar, einnig í beinni útsendingu frá Háskólabíói. 

Vinningslagið verður framlag Íslands í Söngvakeppni evrópskra sjónvarpsstöðva sem haldin verður í Vín í Austurríki dagana 19., 21. og 23. maí 2015.

Alls bárust 258 lög í keppnina. Lögin sem valin voru til keppninnar í ár eru afar fjölbreytt í tónlistarstíl. Höfundar og flytjendur eru sumir hverjir margreyndir en aðrir hafa ekki áður komið við sögu Söngvakeppninnar. Yngsti höfundurinn er aðeins 16 ára.

Kynnar keppninnar í ár eru þær Ragnhildur Steinunn Jónsdóttir, Guðrún Dís Emilsdóttir og Salka Sól Eyfeld.

Söngvakeppnin 2015



Lögin, höfundar og flytjendur:

1.      Aldrei of seint

Lag: María Björk Sverrisdóttir, Marcus Frenell og Sarah Reede

Texti: María Björk Sverrisdóttir og Regína Ósk Óskarsdóttir

Flytjandi: Regína Ósk



2.      Ást eitt augnablik

Lag og texti: Sveinn Rúnar Sigurðsson

Flytjandi: Stefanía Svavarsdóttir

Stefanía tók þátt í keppninni 2013 þar sem hún söng lagið „Til þín“ ásamt Jógvan Hansen.



3.      Brotið gler

Lag og texti: Axel Árnason og Bjarni Lárus Hall

Flytjandi: Bjarni Lárus Hall

Bjarni Lárus er söngvarinn í Jeff Who, en hann er að taka þátt í fyrsta sinn.



4.      Fjaðrir

Lag og texti: Hildur Kristín Stefánsdóttir og Guðfinnur Sveinsson

Flytjandi: SUNDAY (Hildur Kristín Stefánsdóttir, Guðfinnur Sveinsson, Vignir Rafn Hilmarsson og Helga Kristín Ingólfsdóttir)

Hildur Kristín er söngkona í hljómsveitinni Rökkurró og er að keppa í Söngvakeppninni í fyrsta sinn. Er þó vön að syngja út um allan heim, söng meðal annars íslenska þjóðsönginn í Japan.



5.      Fyrir alla

Lag: Daníel Óliver Sveinsson og Jimmy Åkerfors

Texti: Daníel Óliver Sveinsson og Einar Ágúst Víðisson

Flytjandi: CADEM (Daníel Óliver ásamt Emelie Schytz og Caroline Waldemarsson)

Daníel Óliver býr í Svíþjóð og er á samningi hjá Viktoria Ekeberg (https://victoriaekeberg.com/)

Hann kemur fram með tveim sænskum söngkonum og dönsurum,



6.      Í kvöld

Lag og texti: Elín Sif Halldórsdóttir

Flytjandi: Elín Sif Halldórsdóttir

Elín Sif er á fyrsta ári í MH og er að stíga sín fyrstu skref í tónsmíðum. Hún hefur tekið þátt í nokkrum höfundakeppnum og sigraði keppnina núna í haust í MH.



7.      Í síðasta skipti

Lag: Pálmi Ragnar Ásgeirsson, Ásgeir Orri Ásgeirsson og, Sæþór Kristjánsson

Texti: Pálmi Ragnar Ásgeirsson, Ásgeir Orri Ásgeirsson, Sæþór Kristjánsson og Friðrik Dór Jónsson

Flytjandi: Friðrik Dór

Strákarnir í Stop Wait Go tóku þátt í fyrra með lagið „Dönsum burtu blús“, en núna eru þeir með tvö lög í keppninni. Friðrik Dór ætti að vera öllum kunnur, þó svo að þetta sé í fyrsta sinn sem hann tekur þátt í Söngvakeppninni.



8.      Lítil skref

Lag og texti: Ásgeir Orri Ásgeirsson, Pálmi Ragnar Ásgeirsson og Sæþór Kristjánsson

Flytjandi: María Ólafsdóttir      

María hefur unnið þó nokkuð með Stop Wait Go, en einnig tekið þátt í fjölmörgum söngleikjum þegar hún var í Versló og í söngskemmtunum.



9.      Milljón augnablik

Lagi: Karl Olgeir Olgeirsson

Texti: Karl Olgeir Olgeirsson og Haukur Heiðar Hauksson

Flytjandi: Haukur Heiðar Hauksson

Karl Olgeirsson hefur tekið þátt nokkrum sinnum áður, en átti lagið „lífið kviknar á ný“ sem lenti í öðru sæti í fyrra. Núna hefur hann fengið til liðs við sig engan annan en Hauk Heiðar Hauksson, söngvarann í Diktu, en þetta verður í fyrsta sinn sem hann tekur þátt í Söngvakeppninni.



10.  Myrkrið hljótt

Lag: Arnar Ástráðsson

Texti: Erna Hrönn Ólafsdóttir

Flytjandi: Erna Hrönn Ólafsdóttir

Bæði Arnar og Erna Hrönn hafa tekið þátt áður, bæði saman og í sitthvoru lagi. Þetta er þó í fyrsta sinn sem Erna Hrönn tekur þátt sem höfundur.



11.  Piltur og stúlka

Lag og texti: Björn Þór Sigbjörnsson, Tómas Hermannsson og Björn Jörundur Friðbjörnsson

Flytjendur: Björn og félagar (Björn Jörundur Friðbjörnsson, Unnur Birna Björnsdóttir, Hafrún Kolbeinsdóttir og Pétur Örn Guðmundsson.

Björn Jörundur er flestum kunnur, en er þó að keppa í fyrsta sinn í Söngvakeppninni.



12.  Þú leitar líka að mér

Lag: Ásta Björg Björgvinsdóttir

Texti: Bergrún Íris Sævarsdóttir

Flytjandi: HINEMOA (Ásta Björg Björgvinsdóttir, Rakel Pálsdóttir, Sindri Magnússon, Kristófer Nökkvi Sigurðarson, Gísli Páll Karlsson og Regína Lilja Magnúsdóttir)

Höfundarnir áttu lagið „Eftir eitt lag“ sem Greta Mjöll flutti í keppninni í fyrra.