Dolce & Gabbana valda ólgu

Hönnunartvíeykið Domenico Dolce og Stefano Gabbana settu heim ríkra og frægra á hliðina á sunnudag og virðist ekert lát á ástandinu. 

Ástæðan er ummæli sem þeir létu falla við ítalska tímaritið Panorama. Þar tjáðu þeir skoðanir sínar á barneignum samkynhneigðra, sem þeir telja ekki eiga rétt á sér, hvort sem er í formi ættleiðinga eða glasafrjóvgunar. Staðgöngumæðrun þykir þeim einnig fyrir neðan allar hellur.

Þeir bættu jafnframt við að eina fjölskyldumynstrið sem boðlegt væri sé samsett af konu og karli. Í framhaldinu undirstrikuðu þeir að það væri hrein illska að börn fengju ekki að eiga móður.

Þessi yfirlýsing þykir sæta tíðindum, en þessir herramenn eru samkynhneigðir og voru kærustupar í tuttugu og þrjú ár. Upp úr slitnaði árið 2005 svo samband þeirra er einungis faglegs eðlis í dag.

Félögunum er greinilega umhugað um hlutverk mæðra en á dögunum slóu þeir upp óvenjulegri tískusýningu á dögunum í Mílanó. Þar voru mæður í forgrunni, annaðhvort ófrískar eða með börn meðferðis á tískupöllunum.