Af endurhæfingu krabbameinsgreindra Hulda Hjálmarsdóttir skrifar 14. mars 2015 07:00 Þegar fólk veikist af lífsógnandi sjúkdómum, með langvarandi afleiðingum á heilsu og lífsgæði, skiptir miklu máli að markviss og skipulögð endurhæfing sé í boði. Þeim sem gangast undir hjartaaðgerð stendur slík endurhæfing sjálfkrafa til boða eftir aðgerð ýmist á endurhæfingarstöð Landspítalans og/eða á Reykjalundi. Misjafnt er hvernig staðið er að þessum málum á landsbyggðinni en hingað til hefur landsbyggðarfólk einnig átt aðgang að Reykjalundi. Aftur á móti eru endurhæfingarmál krabbameinssjúklinga ekki í eins föstum skorðum en þrátt fyrir það eiga þeir möguleika á margs konar úrræðum. Ljósið er endurhæfingar- og stuðningsmiðstöð fyrir krabbameinsgreinda og aðstandendur þeirra. Markmið Ljóssins er sérhæfð endurhæfing og stuðningur, þar sem fagfólk aðstoðar við að byggja upp líkamlegt andlegt og félagslegt þrek. Það góða starf sem þar er unnið hefur reynst mörgum krabbameinsveikum afar vel. Kraftur, stuðningsfélag fyrir ungt fólk sem greinst hefur með krabbamein og aðstandendur þess, hefur nú sett á laggirnar endurhæfingar- og útivistarhóp, Fítonskraft, fyrir ungt fólk sem greinst hefur með krabbamein. Fítonskraftur nýtur stuðnings frá Ráðgjafarþjónustu Krabbameinsfélags Íslands en starfinu stýrir íþróttafræðingur með meistarapróf á sviði endurhæfingar krabbameinsgreindra. Um er að ræða ungt fólk sem vill endurhæfa sig og stunda íþróttir og útivist undir handleiðslu sérfræðings.Kærkomin viðbót Þessi starfsemi Krafts og KÍ er kærkomin viðbót við þá faglegu starfsemi sem boðið er upp á í Ráðgjafarþjónustu Krabbameinsfélags Íslands. Þar geta allir, sem greinst hafa með krabbamein og aðstandendur þeirra, komið og notið bæði andlegrar og líkamlegrar uppbyggingar, t.d. sótt qigong-heilsuæfingar, djúpslökun, sálfræðiþjónustu, samtalsmeðferð sérhæfðra hjúkrunarfræðinga og félagsráðgjafa, námskeið í núvitund og hugrænni atferlismeðferð, svo eitthvað sé nefnt. Flest af þessu er án endurgjalds. Fítonskraftur er valkostur fyrir ungt fólk sem vill endurhæfa sig og stunda íþróttir og útivist með jafnöldrum sínum, þ.e. ungu fólki á aldrinum 18–40 ára; fólki sem e.t.v. finnur sig ekki á eigin vegum við sjálfstæðar æfingar innan líkamsræktarstöðvanna. Í Fítonskrafti fær þetta unga fólk tækifæri til að bera saman bækur sínar um reynslu sína og veitir þannig jafningjastuðning um leið og það stundar endurhæfingu, íþróttir og útivist samkvæmt eigin getu undir handleiðslu sérfræðings. En þrátt fyrir að krabbameinsgreindum standi til boða ýmsir góðir valkostir í endurhæfingarmálum er engu að síður afar æskilegt að heilbrigðisyfirvöld móti stefnu í endurhæfingarmálum þessa sjúklingahóps, sem líkist þeirri sem mótuð hefur verið fyrir hjartasjúklinga. En á meðan slík stefna er ekki til staðar, stendur öllum skjólstæðingum til boða að velja á milli nokkurra góðra kosta eins og endurhæfingarinnar í Ljósinu, Ráðgjafarþjónustu Krabbameinsfélags Íslands og hjá Krafti í hinum nýja hópi, Fítonskrafti. Allt eru þetta afar góð úrræði, þótt áherslur séu misjafnar. Mestu máli skiptir að krabbameinsveikt fólk hafi valkosti á sviði endurhæfingar og íþróttaiðkunar. Þessir góðu valkostir eru reknir af sjálfstæðum félagasamtökum en undanskilur þó ekki opinbera aðila að skipuleggja heildstæða stefnu á sviði endurhæfingar þessa hóps sjúklinga þannig að allir geti nýtt sér þjónustuna, hvar sem þeir kunna að vera búsettir á landinu. Viltu birta grein á Vísi? Sendu okkur póst. Senda grein Mest lesið Jarðakaup í nýjum tilgangi Halla Hrund Logadóttir Skoðun Eru orkumálin að fara úr böndunum? Jónas Guðmundsson Skoðun Forsetaframboð í Fellini stíl Stefán Ólafsson Skoðun Borgar þú 65 prósent skatt af þínum tekjum? Guðfinnur Sigurvinsson Skoðun Brúarsmið á Bessastaði Jóhanna Vigdís Guðmundsdóttir Skoðun Skipulagsmál og uppbygging í Árborg Bragi Bjarnason Skoðun Norska veiðistöðin Friðrik Erlingsson Skoðun Af auðvaldsmönnum og undirlægjuhætti Ester Hilmarsdóttir Skoðun Ég kýs… Gísli Ásgeirsson Skoðun Nú getum við brotið blað Ragnheiður Davíðsdóttir Skoðun Skoðun Skoðun Eru orkumálin að fara úr böndunum? Jónas Guðmundsson skrifar Skoðun Skipulagsmál og uppbygging í Árborg Bragi Bjarnason skrifar Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Skoðun Við þurfum loftslagsaðgerðir, ekki grænþvott Andrés Ingi Jónsson skrifar Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Skoðun Hafðu áhrif á líf barna Ída Björg Unnarsdóttir skrifar Skoðun Stórbætum samgöngur Logi Einarsson skrifar Skoðun Norska veiðistöðin Friðrik Erlingsson skrifar Skoðun Köllum það réttu nafni: Fordóma Derek Terell Allen skrifar Skoðun Ótrúverðugt plan að annars góðum markmiðum Þorbjörg Sigríður Gunnlaugsdóttir skrifar Skoðun Formleg uppgjöf Hjörtur J. Guðmundsson skrifar Skoðun Örlætisgerningur Vilhjálmur H. Vilhjálmsson skrifar Skoðun Fjármunum veitt þangað sem neyðin er mest Diljá Mist Einarsdóttir skrifar Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson skrifar Skoðun Burt með pólitík á Bessastöðum Kristmundur Carter skrifar Skoðun Náttúran njóti vafans, ótímabundið Bjarkey Olsen Gunnarsdóttir skrifar Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar Skoðun „Almennings“ samgöngur? Bragi Gunnlaugsson skrifar Skoðun Góður forseti G. Pétur Matthíasson skrifar Skoðun Hvers vegna Halla Tómasdóttir? Guðjón Sigurðsson skrifar Skoðun Heimildin sem hvarf úr frumvarpi matvælaráðherra Vala Árnadóttir skrifar Skoðun Sníða sér stakk eftir vexti Guðni Magnús Ingvason skrifar Sjá meira
Þegar fólk veikist af lífsógnandi sjúkdómum, með langvarandi afleiðingum á heilsu og lífsgæði, skiptir miklu máli að markviss og skipulögð endurhæfing sé í boði. Þeim sem gangast undir hjartaaðgerð stendur slík endurhæfing sjálfkrafa til boða eftir aðgerð ýmist á endurhæfingarstöð Landspítalans og/eða á Reykjalundi. Misjafnt er hvernig staðið er að þessum málum á landsbyggðinni en hingað til hefur landsbyggðarfólk einnig átt aðgang að Reykjalundi. Aftur á móti eru endurhæfingarmál krabbameinssjúklinga ekki í eins föstum skorðum en þrátt fyrir það eiga þeir möguleika á margs konar úrræðum. Ljósið er endurhæfingar- og stuðningsmiðstöð fyrir krabbameinsgreinda og aðstandendur þeirra. Markmið Ljóssins er sérhæfð endurhæfing og stuðningur, þar sem fagfólk aðstoðar við að byggja upp líkamlegt andlegt og félagslegt þrek. Það góða starf sem þar er unnið hefur reynst mörgum krabbameinsveikum afar vel. Kraftur, stuðningsfélag fyrir ungt fólk sem greinst hefur með krabbamein og aðstandendur þess, hefur nú sett á laggirnar endurhæfingar- og útivistarhóp, Fítonskraft, fyrir ungt fólk sem greinst hefur með krabbamein. Fítonskraftur nýtur stuðnings frá Ráðgjafarþjónustu Krabbameinsfélags Íslands en starfinu stýrir íþróttafræðingur með meistarapróf á sviði endurhæfingar krabbameinsgreindra. Um er að ræða ungt fólk sem vill endurhæfa sig og stunda íþróttir og útivist undir handleiðslu sérfræðings.Kærkomin viðbót Þessi starfsemi Krafts og KÍ er kærkomin viðbót við þá faglegu starfsemi sem boðið er upp á í Ráðgjafarþjónustu Krabbameinsfélags Íslands. Þar geta allir, sem greinst hafa með krabbamein og aðstandendur þeirra, komið og notið bæði andlegrar og líkamlegrar uppbyggingar, t.d. sótt qigong-heilsuæfingar, djúpslökun, sálfræðiþjónustu, samtalsmeðferð sérhæfðra hjúkrunarfræðinga og félagsráðgjafa, námskeið í núvitund og hugrænni atferlismeðferð, svo eitthvað sé nefnt. Flest af þessu er án endurgjalds. Fítonskraftur er valkostur fyrir ungt fólk sem vill endurhæfa sig og stunda íþróttir og útivist með jafnöldrum sínum, þ.e. ungu fólki á aldrinum 18–40 ára; fólki sem e.t.v. finnur sig ekki á eigin vegum við sjálfstæðar æfingar innan líkamsræktarstöðvanna. Í Fítonskrafti fær þetta unga fólk tækifæri til að bera saman bækur sínar um reynslu sína og veitir þannig jafningjastuðning um leið og það stundar endurhæfingu, íþróttir og útivist samkvæmt eigin getu undir handleiðslu sérfræðings. En þrátt fyrir að krabbameinsgreindum standi til boða ýmsir góðir valkostir í endurhæfingarmálum er engu að síður afar æskilegt að heilbrigðisyfirvöld móti stefnu í endurhæfingarmálum þessa sjúklingahóps, sem líkist þeirri sem mótuð hefur verið fyrir hjartasjúklinga. En á meðan slík stefna er ekki til staðar, stendur öllum skjólstæðingum til boða að velja á milli nokkurra góðra kosta eins og endurhæfingarinnar í Ljósinu, Ráðgjafarþjónustu Krabbameinsfélags Íslands og hjá Krafti í hinum nýja hópi, Fítonskrafti. Allt eru þetta afar góð úrræði, þótt áherslur séu misjafnar. Mestu máli skiptir að krabbameinsveikt fólk hafi valkosti á sviði endurhæfingar og íþróttaiðkunar. Þessir góðu valkostir eru reknir af sjálfstæðum félagasamtökum en undanskilur þó ekki opinbera aðila að skipuleggja heildstæða stefnu á sviði endurhæfingar þessa hóps sjúklinga þannig að allir geti nýtt sér þjónustuna, hvar sem þeir kunna að vera búsettir á landinu.
Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar
Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar