Matur

Heimalagað pasta með kjúklingbollum, spínatsósu og portóbellósveppum

Eyþór Rúnarsson kokkur skrifar
Eyþór Rúnarsson meistarakokkur
Eyþór Rúnarsson meistarakokkur Vísir/Stöð 2

Eyþór Rúnarsson meistarakokkur hefur slegið rækilega í gegn með nýju þáttunum sínum á Stöð 2, Eldhúsinu hans Eyþórs.

Í þættinum bjó hann til girnilegt heimalagað pasta sem allir ættu að geta leikið eftir.

Þetta er svo sannarlega réttur helgarinnar.

Heimalagað pasta með kjúklingbollum, spínatsósu og portóbellósveppum

Pastadeig

250 g hveiti

2 egg

3 eggjarauður

1 msk. ólífuolía

½ tsk. salt



Setjið hveitið og saltið saman í skál og blandið vel saman. Gerið holu í miðjuna á hveitinu og setjið eggin, eggjarauðurnar og ólífuolíuna í holuna og blandið öllu varlega saman. Hnoðið deigið í höndunum og setjið svo í plastfilmu og inn í ísskáp í eina klst. Fletjið svo út í pastavél eða með kefli. Skerið í þunnar ræmur og setjið í sjóðandi vatn með salti í um 3 mín.

Kjúklingabollur

550 g kjúklingalæri

6 msk. brauðraspur

2 msk. salvía, fínt skorin

2 msk. steinselja, fínt skorin

1 tsk. chili sambal oelek

½ hvítlaukur

1 msk. sjávarsalt

Skerið kjúklingalærin niður í eins smáa bita og þið getið. Setjið skorin kjúklingalærin með öllu hinu hráefninu saman í skál. Rúllið upp í ca. 25-30 g bollur og setjið á bökunarplötu inn í 200 gráða heitan ofninn í 20 mín.

Vísir/Stöð 2

Spínatsósa

5 skalottlaukar, skrældir og gróft skornir

1 stk. hvítlauksgeiri, skrældur og gróft skorinn

1 poki spínat 

½ lítri rjómi

3 msk. grænmetiskraftur 

safi úr ½ sítrónu 

sjávarsalt 

svartur pipar úr kvörn



Hitið pott með olíu í og steikið laukinn þar til hann er orðinn mjúkur. Bætið spínatinu út í ásamt rjómanum og sjóðið saman í um 15-20 mín. Maukið sósuna með töfrasprota eða í blandarakönnu og smakkið sósuna til með grænmetiskrafti, sítrónusafa, salti og pipar.

Meðlæti með bollum

Steiktir portóbellósveppir, rifinn ferskur parmesanostur, rifið hrátt brokkólí, sítrónubátur, ristaðar furuhnetur.


Tengdar fréttir

Ómótstæðilegt kartöflusalat

Meistarakokkurinn Eyþór Rúnarsson fór á kostum í sjónvarpsþættinum Eldhúsið hans Eyþórs á Stöð 2 í gærkvöldi. Hann reiðir fram hvern grinilegan réttinn á eftir öðrum. Hérna er hann með ómótstæðilegt kartöflusalat sem hægt er að bera fram allan ársins hring.

Sætkartöflusæla með pistasíum og trönuberjum

Kartöflur eru eitt vinsælasta hráefnið á Íslandi og hægt að nota á marga vegu. Hérna er meistarakokkurinn Eyþór Rúnarsson búinn að búa til uppskrift af sætkartöfluköku sem svíkur engan.






Velkomin á Vísi. Þessi vefur notar vafrakökur. Sjá nánar.