Úlfúð á Pírataspjallinu: Stofnendur nenna vart lengur að taka þátt í umræðum Jóhann Óli Eiðsson skrifar 27. desember 2015 15:36 Smári McCarthy við hlið skjáskotsins sem virðist hafa hleypt öllu í bál og brand. „Við höfum skapað samfélag þar sem allir geta tuðað út í eitt ef þeir vilja, en það er ekki þar með sagt að það eigi að gera það. Á Pírataspjallinu og í öðrum spjallhópum er orðið mjög lágt „signal to noise ratio“: Mikill hávaði, lítil merking. Skynsemi drukknar í fávitaskap. Það er til skammar,“ skrifar Smári McCarthy, tölvuhakkari og Pírati, á Pírataspjallið. Tilefni skrifa Smára er að síðustu daga hafa átt sér stað líflegar umræður inn á Facebook-hópnum sem er óformlegur vettvangur Pírata, og annarra, til að ræða allt milli himins og jarðar. Í lýsingu hópsins er sérstaklega tekið fram að skoðanir þær sem á spjallinu birtast þurfi ekki að vera tengdar formlegri stefnu Pírata. Meðal þeirra mála sem mikið var rætt, og það sem virðist hafa komið öllu saman af stað, er hópurinn Femínískir píratar en hávær hópur notenda spjallsins var ósáttur með að vera meinuð vera í hópnum. Á Pírataspjallinu má meðal annars sjá skjáskot af umræðum úr hópnum en skjáskotið var sett þrisvar inn í hópinn. „Þú ert andfeministi. Mér leiðast andfeministar. Sérstaklega þegar þeir koma á umræðuvettvang sem eiga að „circle jerk“ um femínisma fyrir feminista og hvernig þeir upplifa feminisma. Þú átt ekki heima í þessari grúppu, þú ættir frekar heima í „Andfeminískir Píratar“ heldur en hér,“ ritar þingmaðurinn Ásta Guðrún Helgadóttir á þræðinum sem virðist hafa verið kornið sem fyllti mælinn hjá mörgum. Í hvert sinn sem skjáskotunum úr femíníska hópnum var deilt inn í hópinn, sköpuðust miklar umræður á þráðunum. Líkt og áður segir var því deilt þrisvar en fyrri tveimur þráðunum var að endingu eytt. Einhverjir notendur hlupu þá til sökuðu stjórnendur hópsins um „ritstjórnartilburði“ og að „vega að tjáningarfrelsi þeirra.“ „Margir stofnendur og upprunalegir meðlimir Pírata eru hættir að nenna að taka þátt í umræðum eða bölva því þegar þeir leiðast út í þær. Þegar reynt hefur verið að benda á hversu alvarlegt það er ganga menn fram með nöldri um að "flokkseigandafélagið" vilji stjórna öllu,“ ritar Smári og heldur áfram; „Þetta er kjaftæði. Að biðja um að samskipti fari fram með heilbrigðum og uppbyggilegum hætti er ekki ritskoðun. Það er kurteisileg beiðni um að fullorðið fólk sýni að lágmarki þann þroska sem gerð er krafa um í öllum leikskólum landsins, eða hypji sig öðrum kosti.“Rætt um mögulegar leiðir til að bæta spjallið Umræðurnar, sem hafa staðið yfir með hléum frá aðfangadegi, snerust meðal annars um það að hluti notenda spjallsins töldu að allir hópar tengdir Píratapartíinu á einhvern hátt ættu að vera öllum opnir. Það væri í samræmi við „Píratakóðann“ og fólki bæri að virða hann. Aðrir benda hins vegar á að engar reglur gildi um meðferð tillögu áður en hún er lögð fram. Það er ekki fyrr en eftir að hún sé formlega lögð fram að reglurnar gildi um hana en á þetta bendir Björn Leví Gunnarson varaþingmaður flokksins. Svo virðist sem margir af meðlimum spjallsins séu orðnir leiðir á þeim endalausa kýtingi og persónuárásum sem einkennt hafa spjallið síðustu daga. Ýmsir notendur þess hafa til að mynda lent í því að Facebook-síður þeirra eru tilkynntar og einhverjum hefur í kjölfarið verið hent út af vefnum, tímabundið hið minnsta. Stjórnendur síðunnar bentu einnig á að undanförnu hafa fleiri þræðir og ummæli verið tilkynnt sem óviðeigandi. „Spyrja má hvort einhverjir hafi það markmið að eyðileggja. Það er alveg hugsanlegt, þótt ég vilji helst ekki trúa því upp á neinn. „Skrímsladeildir“ eru sennilega draugasögur. Fólk hefur ýmsar ástæður fyrir að eyðileggja, frá því að vera stuðningsmenn annarra flokka yfir í að vera með ómeðhöndlaða geðröskun. Þetta má laga, en vilji fólk skemma er fátt hægt að gera,“ skrifar Smári og veltir upp mögulegum hugmyndum sem gætu lagað spjallið. Einn möguleiki gæti verið að loka spjallinu eða takmarka aðgengi að því og annar væri að setja skýrari reglur um hvers konar hegðun teljist ásættanleg. Smára finnst hvorugur kosturinn fýsilegur og leggur til að fólk leyfi „tröllum“ ekki að fá sínu framgengt. „Hafi fólk raunverulegan áhuga á því að bæta stjórnmálamenningu Íslands, og bæta svo Ísland sjálft, hjálpið mér þá við að tækla þetta. Hundsum tröllin, hefjum umræðurnar upp á annað stig, minnkum hávaðan. Verum kurteis við fólk en gagnrýnin á hugmyndir. Höfnum tröllum og tilraunir til að eyðileggja,“ skrifar Smári í niðurlagi innleggs síns. Alþingi Tengdar fréttir Ekkert lát á vinsældum Pírata Mælast stærstir níunda mánuðinn í röð í nýrri könnun MMR. Framsókn bætir við sig fylgi. 14. desember 2015 11:16 Ásta Guðrún: „Að stjórna internetinu eins og að smala köttum“ Þingmaður Pírata gerði orð Eyglóar Harðardóttur ráðherra um að ræða þurfi takmörkun tjáningarfrelsisins umtalsefni á þingi í morgun. 27. nóvember 2015 11:16 Mest lesið Lykillinn að kraftaverki að Birgir var frá Íslandi Erlent Vissu af auknum töfum en óraði ekki fyrir viðbrögðunum Innlent Magga Stína á leið til Gasa með Frelsisflotanum Innlent Fossvogsbrúin sé álíka gáfuleg og að setja göngustíg í Reynisfjöru Innlent Létu sér andlát Hjörleifs í léttu rúmi liggja Innlent Ríkisreksturinn í Bandaríkjunum í limbó Erlent Ísland land númer 197 Innlent Fleiri en tuttugu látnir eftir jarðskjálfta á Filippseyjum Erlent Læknir í Kópavogi blekkti fjölskyldu sína með lygasögu um krabbamein Innlent Sendiherra fannst látinn í miðborg Parísar Erlent Fleiri fréttir Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Sjá meira
„Við höfum skapað samfélag þar sem allir geta tuðað út í eitt ef þeir vilja, en það er ekki þar með sagt að það eigi að gera það. Á Pírataspjallinu og í öðrum spjallhópum er orðið mjög lágt „signal to noise ratio“: Mikill hávaði, lítil merking. Skynsemi drukknar í fávitaskap. Það er til skammar,“ skrifar Smári McCarthy, tölvuhakkari og Pírati, á Pírataspjallið. Tilefni skrifa Smára er að síðustu daga hafa átt sér stað líflegar umræður inn á Facebook-hópnum sem er óformlegur vettvangur Pírata, og annarra, til að ræða allt milli himins og jarðar. Í lýsingu hópsins er sérstaklega tekið fram að skoðanir þær sem á spjallinu birtast þurfi ekki að vera tengdar formlegri stefnu Pírata. Meðal þeirra mála sem mikið var rætt, og það sem virðist hafa komið öllu saman af stað, er hópurinn Femínískir píratar en hávær hópur notenda spjallsins var ósáttur með að vera meinuð vera í hópnum. Á Pírataspjallinu má meðal annars sjá skjáskot af umræðum úr hópnum en skjáskotið var sett þrisvar inn í hópinn. „Þú ert andfeministi. Mér leiðast andfeministar. Sérstaklega þegar þeir koma á umræðuvettvang sem eiga að „circle jerk“ um femínisma fyrir feminista og hvernig þeir upplifa feminisma. Þú átt ekki heima í þessari grúppu, þú ættir frekar heima í „Andfeminískir Píratar“ heldur en hér,“ ritar þingmaðurinn Ásta Guðrún Helgadóttir á þræðinum sem virðist hafa verið kornið sem fyllti mælinn hjá mörgum. Í hvert sinn sem skjáskotunum úr femíníska hópnum var deilt inn í hópinn, sköpuðust miklar umræður á þráðunum. Líkt og áður segir var því deilt þrisvar en fyrri tveimur þráðunum var að endingu eytt. Einhverjir notendur hlupu þá til sökuðu stjórnendur hópsins um „ritstjórnartilburði“ og að „vega að tjáningarfrelsi þeirra.“ „Margir stofnendur og upprunalegir meðlimir Pírata eru hættir að nenna að taka þátt í umræðum eða bölva því þegar þeir leiðast út í þær. Þegar reynt hefur verið að benda á hversu alvarlegt það er ganga menn fram með nöldri um að "flokkseigandafélagið" vilji stjórna öllu,“ ritar Smári og heldur áfram; „Þetta er kjaftæði. Að biðja um að samskipti fari fram með heilbrigðum og uppbyggilegum hætti er ekki ritskoðun. Það er kurteisileg beiðni um að fullorðið fólk sýni að lágmarki þann þroska sem gerð er krafa um í öllum leikskólum landsins, eða hypji sig öðrum kosti.“Rætt um mögulegar leiðir til að bæta spjallið Umræðurnar, sem hafa staðið yfir með hléum frá aðfangadegi, snerust meðal annars um það að hluti notenda spjallsins töldu að allir hópar tengdir Píratapartíinu á einhvern hátt ættu að vera öllum opnir. Það væri í samræmi við „Píratakóðann“ og fólki bæri að virða hann. Aðrir benda hins vegar á að engar reglur gildi um meðferð tillögu áður en hún er lögð fram. Það er ekki fyrr en eftir að hún sé formlega lögð fram að reglurnar gildi um hana en á þetta bendir Björn Leví Gunnarson varaþingmaður flokksins. Svo virðist sem margir af meðlimum spjallsins séu orðnir leiðir á þeim endalausa kýtingi og persónuárásum sem einkennt hafa spjallið síðustu daga. Ýmsir notendur þess hafa til að mynda lent í því að Facebook-síður þeirra eru tilkynntar og einhverjum hefur í kjölfarið verið hent út af vefnum, tímabundið hið minnsta. Stjórnendur síðunnar bentu einnig á að undanförnu hafa fleiri þræðir og ummæli verið tilkynnt sem óviðeigandi. „Spyrja má hvort einhverjir hafi það markmið að eyðileggja. Það er alveg hugsanlegt, þótt ég vilji helst ekki trúa því upp á neinn. „Skrímsladeildir“ eru sennilega draugasögur. Fólk hefur ýmsar ástæður fyrir að eyðileggja, frá því að vera stuðningsmenn annarra flokka yfir í að vera með ómeðhöndlaða geðröskun. Þetta má laga, en vilji fólk skemma er fátt hægt að gera,“ skrifar Smári og veltir upp mögulegum hugmyndum sem gætu lagað spjallið. Einn möguleiki gæti verið að loka spjallinu eða takmarka aðgengi að því og annar væri að setja skýrari reglur um hvers konar hegðun teljist ásættanleg. Smára finnst hvorugur kosturinn fýsilegur og leggur til að fólk leyfi „tröllum“ ekki að fá sínu framgengt. „Hafi fólk raunverulegan áhuga á því að bæta stjórnmálamenningu Íslands, og bæta svo Ísland sjálft, hjálpið mér þá við að tækla þetta. Hundsum tröllin, hefjum umræðurnar upp á annað stig, minnkum hávaðan. Verum kurteis við fólk en gagnrýnin á hugmyndir. Höfnum tröllum og tilraunir til að eyðileggja,“ skrifar Smári í niðurlagi innleggs síns.
Alþingi Tengdar fréttir Ekkert lát á vinsældum Pírata Mælast stærstir níunda mánuðinn í röð í nýrri könnun MMR. Framsókn bætir við sig fylgi. 14. desember 2015 11:16 Ásta Guðrún: „Að stjórna internetinu eins og að smala köttum“ Þingmaður Pírata gerði orð Eyglóar Harðardóttur ráðherra um að ræða þurfi takmörkun tjáningarfrelsisins umtalsefni á þingi í morgun. 27. nóvember 2015 11:16 Mest lesið Lykillinn að kraftaverki að Birgir var frá Íslandi Erlent Vissu af auknum töfum en óraði ekki fyrir viðbrögðunum Innlent Magga Stína á leið til Gasa með Frelsisflotanum Innlent Fossvogsbrúin sé álíka gáfuleg og að setja göngustíg í Reynisfjöru Innlent Létu sér andlát Hjörleifs í léttu rúmi liggja Innlent Ríkisreksturinn í Bandaríkjunum í limbó Erlent Ísland land númer 197 Innlent Fleiri en tuttugu látnir eftir jarðskjálfta á Filippseyjum Erlent Læknir í Kópavogi blekkti fjölskyldu sína með lygasögu um krabbamein Innlent Sendiherra fannst látinn í miðborg Parísar Erlent Fleiri fréttir Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Magga Stína á leið til Gasa með Frelsisflotanum Útköll vegna slagsmála Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Sjá meira
Ekkert lát á vinsældum Pírata Mælast stærstir níunda mánuðinn í röð í nýrri könnun MMR. Framsókn bætir við sig fylgi. 14. desember 2015 11:16
Ásta Guðrún: „Að stjórna internetinu eins og að smala köttum“ Þingmaður Pírata gerði orð Eyglóar Harðardóttur ráðherra um að ræða þurfi takmörkun tjáningarfrelsisins umtalsefni á þingi í morgun. 27. nóvember 2015 11:16