„Riff Raff“ Jordan-Skór á 130 milljónir króna

Hæsta boð á uppboði á körfuboltaskóm tileinkuðum rapparanum Riff Raff er komið upp í 130 milljónir króna.

Rapparinn hefur oft rappað um Jordan körfuboltaskó og gerði meira að segja heilt lag um skóna sem ber titilinn Top Toe Wing in My Jawwdinz. Í kjölfar vinsælda lagsins fór að kvissast út að Jordan-fyrirtækið ætlaði að framleiða sérstaka Riff Raff skó. Og rapparinn ýtti undir þær vangaveltur með því að birta mynd af skóm sem hann sagði að væru frumgerð frá Jordan.



Fulltrúi Jordan neitaði því að fyrirtækið ætlaði í samstarf með rapparanum.

Hér að neðan má hlusta á lagið Tip Toe Wing in My Jawwdinz

Skórnir sem Riff Raff birti mynd af voru því sérhannaðir af þriðja aðila og eru sambærilegir skór nú komnir á uppboðsvefinn ebay. Sem fyrr segir er hæsta boðið komið upp í rúma milljón bandaríkjadala, sem er mikið stökk frá því í gær, en þá voru skórnir á 96 þúsund og 500 dali, eða tæpar 13 milljónir króna. Þessi mikla hækkun á tilboðum í skóinn rennir væntanlega stoðum undir þær kenningar að þarna sé rapparinn í einhverskonar auglýsingaherferð, en hann þykir virkilega lunkinn við að nýta sér samfélagsmiðla og netið til þess að vekja á sér athygli.

Riff Raff vakti meiri athygli en vanalega í fyrra þegar hann og söngkonan Katy Perry eyddu miklum tíma saman.

SHOUT OUT TO MiCHAEL JORDAN & THE JORDAN BRAND THiS iS A PROTO TYPE OF THE NEW NEON iCON RiFF RAFF JORDAN'S THAT WiLL BE A LiMiTED EDiTiON SHOE DROPPiNG iN CHAMPS, FOOT LOCKER, FOOT ACTiON & FLiGHT CLUB SUMMER OF 2015 FOR $750 AND COMES WiTH AN AUTOGRAPHED COPY OF MY PEACH PANTHER & THE PURPLE PANTHER ALBUM

A photo posted by RiFF RaFF JODY HiGHROLLER (@jodyhighroller) on Jan 1, 2015 at 2:26pm PST