Hér nýtur tónlistin sín afar vel Magnús Guðmundsson skrifar 23. júlí 2015 10:30 Ari Þór Vilhjálmsson og hundurinn Dídí, Steinunn Birna Ragnarsdóttir, Þóra Einarsdóttir, Atte Kilpeläinen og Sigurgeir Agnarsson æfðu stíft í vikunni fyrir Reykholtshátíð. Visir/Valli Reykholtshátíð er með eldri og virtari tónlistarhátíðum landsins þrátt fyrir að eiga sér nú ekki lengri sögu en frá 1997. Að vanda er hátíðin haldin síðustu helgina í júlí að Reykholti í Borgarfirði og er dagskráin fjölbreytt og spennandi fyrir alla unnendur klassískrar tónlistar. Sigurgeir Agnarsson er listrænn stjórnandi Skálholtshátíðar og hefur sinnt því hlutverki frá 2013 og hann segir að það sé svo sannarlega boðið upp á breiða dagskrá í ár. „Við byrjum á föstudagskvöldinu með tónleikum Karlakórsins Heimis úr Skagafirði sem hefur lengi verið í fararbroddi íslenskra karlakóra og því tilhlökkunarefni að bjóða þá velkomna á Reykholtshátíð. Þóra Einarsdóttir sópran og Steinunn Birna Ragnarsdóttir píanóleikari halda síðdegistónleika á laugardeginum undir yfirskriftinni Báran. Á laugardagskvöldið verður lágfiðlan í aðalhlutverki en sérstakur gestur hátíðarinnar í ár er finnski lágfiðluleikarinn Atte Kilpeläinen. Lokatónleikarnir á sunnudagskvöldið verða svo fjölbreyttir að vanda og um að gera fyrir áhugasama að kynna sér dagskrána nánar á heimasíðu hátíðarinnar, reykholtshatid.is. Málið er að það er alltaf dálítið sérstakt að upplifa alla þessa tónlist í þessu fallega umhverfi. Þessi upplifun er líka aðeins önnur fyrir okkur tónlistarfólkið, ólík svona þessum hefðbundnu tónleikum á sunnudagskvöldum í Reykjavík, enda tökum við svona vikuna í þetta og höfum gaman af. Að auki erum við að spila í einu af betur hljómandi húsum landsins þannig að öll þessi fjölbreytta tónlist ætti að njóta sín vel.“ Skálholtshátíð hefur alla tíð verið vel sótt og Sigurgeir segir að tónleikagestir komi víða að. „Það er alltaf talsvert um að heimafólk í Borgarfirði komi og svo er líka heilmikil sumarhúsabyggð á svæðinu. Að auki þá er þetta nú ekki nema ríflega klukkustundar akstur þannig að það er mikið um að fólk taki bíltúr, kaffi og tónleika um þessa helgi.“ Sigurgeir bendir einnig á að á laugardaginn sé tilvalið að skella sér fyrst á fróðlegan og skemmtilegan fyrirlestur kl. 13 á vegum Snorrastofu hjá Páli Berþórssyni. En þar mun Páll skoða betur bakgrunn Vínlandssagnanna. „Eftir fyrirlesturinn er gott að fara í smá kaffihlé og skella sér svo á tónleika klukkan fjögur og jafnvel aftur um kvöldið.“ Tónlist Mest lesið „Ég verð að komast til Japan“ Lífið Stjörnulífið: Líf og fjör og ástin blómstar Lífið „Við erum öll byrjendur á einhverjum tímapunkti“ Lífið Neyslan var orðinn algjör þrældómur Lífið Martröð að fara á útikamar í svartamyrkrinu í Eistlandi sem barn Lífið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Blóm og plöntur sem þola kuldann Lífið „Elska hraðann, pressuna og stressið“ Tíska og hönnun Er hægt að skjóta í gegnum byssukúlu? Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Reykholtshátíð er með eldri og virtari tónlistarhátíðum landsins þrátt fyrir að eiga sér nú ekki lengri sögu en frá 1997. Að vanda er hátíðin haldin síðustu helgina í júlí að Reykholti í Borgarfirði og er dagskráin fjölbreytt og spennandi fyrir alla unnendur klassískrar tónlistar. Sigurgeir Agnarsson er listrænn stjórnandi Skálholtshátíðar og hefur sinnt því hlutverki frá 2013 og hann segir að það sé svo sannarlega boðið upp á breiða dagskrá í ár. „Við byrjum á föstudagskvöldinu með tónleikum Karlakórsins Heimis úr Skagafirði sem hefur lengi verið í fararbroddi íslenskra karlakóra og því tilhlökkunarefni að bjóða þá velkomna á Reykholtshátíð. Þóra Einarsdóttir sópran og Steinunn Birna Ragnarsdóttir píanóleikari halda síðdegistónleika á laugardeginum undir yfirskriftinni Báran. Á laugardagskvöldið verður lágfiðlan í aðalhlutverki en sérstakur gestur hátíðarinnar í ár er finnski lágfiðluleikarinn Atte Kilpeläinen. Lokatónleikarnir á sunnudagskvöldið verða svo fjölbreyttir að vanda og um að gera fyrir áhugasama að kynna sér dagskrána nánar á heimasíðu hátíðarinnar, reykholtshatid.is. Málið er að það er alltaf dálítið sérstakt að upplifa alla þessa tónlist í þessu fallega umhverfi. Þessi upplifun er líka aðeins önnur fyrir okkur tónlistarfólkið, ólík svona þessum hefðbundnu tónleikum á sunnudagskvöldum í Reykjavík, enda tökum við svona vikuna í þetta og höfum gaman af. Að auki erum við að spila í einu af betur hljómandi húsum landsins þannig að öll þessi fjölbreytta tónlist ætti að njóta sín vel.“ Skálholtshátíð hefur alla tíð verið vel sótt og Sigurgeir segir að tónleikagestir komi víða að. „Það er alltaf talsvert um að heimafólk í Borgarfirði komi og svo er líka heilmikil sumarhúsabyggð á svæðinu. Að auki þá er þetta nú ekki nema ríflega klukkustundar akstur þannig að það er mikið um að fólk taki bíltúr, kaffi og tónleika um þessa helgi.“ Sigurgeir bendir einnig á að á laugardaginn sé tilvalið að skella sér fyrst á fróðlegan og skemmtilegan fyrirlestur kl. 13 á vegum Snorrastofu hjá Páli Berþórssyni. En þar mun Páll skoða betur bakgrunn Vínlandssagnanna. „Eftir fyrirlesturinn er gott að fara í smá kaffihlé og skella sér svo á tónleika klukkan fjögur og jafnvel aftur um kvöldið.“
Tónlist Mest lesið „Ég verð að komast til Japan“ Lífið Stjörnulífið: Líf og fjör og ástin blómstar Lífið „Við erum öll byrjendur á einhverjum tímapunkti“ Lífið Neyslan var orðinn algjör þrældómur Lífið Martröð að fara á útikamar í svartamyrkrinu í Eistlandi sem barn Lífið Hvernig bíla eiga frambjóðendur? Bílablinda, lögregluleyfi og draumur um Volvo Lífið Sonurinn skírður Lífið Blóm og plöntur sem þola kuldann Lífið „Elska hraðann, pressuna og stressið“ Tíska og hönnun Er hægt að skjóta í gegnum byssukúlu? Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira