Of mikil svartsýni að afskrifa Gunnar Eiríkur Stefán Ásgeirsson skrifar 18. desember 2015 07:00 Gunnar hefur tapað tveimur af síðustu þremur bardögum sínum. vísir/getty Eftir tvö töp í síðustu þremur bardögum Gunnars Nelson er ljóst að uppgangur hans innan UFC verður ekki jafn hraður og aðdáendur hans vonuðust til í upphafi ferils hans innan bardagasambandsins bandaríska. Gunnar tapaði um helgina fyrir Brasilíumanninum Demian Maia sem vann yfirburðasigur á Íslendingnum sterka. Við tapið féll Gunnar um tvö sæti á styrkleikalista UFC í veltivigt. Fréttablaðið fékk álit þriggja mikilla áhugamanna um UFC og eru þeir á einu máli um að tapið fyrir Maia um helgina muni ekki hafa jafn slæm áhrif á feril Gunnars í UFC og margir óttast. „Það er algjör óþarfi að örvænta,“ segir Halldór Halldórsson, betur þekktur sem Dóri DNA, sem lýsti bardaganum á Stöð 2 Sport um helgina. Aðrir sem Fréttablaðið ræddi við eru Pétur Marinó Jónsson og Guttormur Árni Ársælsson sem hafa báðir lengi fylgst með bardagaíþróttum og fjallað um þær í fjölmiðlum.Sjá einnig: Gunnar Nelson missti mátt af ókunnum ástæðum eftir tvær mínútur „Þetta er ekki jafn mikið áfall og margir telja,“ segir Guttormur Árni sem undrast ekki að margir hafi áhyggjur af framtíð Gunnars eftir bardagann. „Ég hef heyrt menn tala á þeim nótum að þetta tap sé mikið bakslag fyrir hann en ég held að það sé ekki raunin. Umræðan úti er fremur á þann veg að bardaginn sýndi hversu ótrúlega fær Maia er fremur en að tala illa um hæfileika Gunnars.“ Pétur Marinó, sem var viðstaddur bardagann í Las Vegas, segir að menn séu afar fljótir að gleyma í blönduðum bardagalistum. „Það man enginn lengra aftur í tímann en síðasta bardaga. Menn eru fljótir að afskrifa þig ef þú varst ekki stórkostlegur í síðasta bardaga. Þegar menn vinna á ný þá ertu aftur orðinn frábær. Gunnar er enn á fínum aldri [27 ára] og ég hef enn sömu trú á honum á áður. Tapið breytir því ekki.“Vísir/GettyFullmikil svartsýni Dóri bendir á að vegferð núverandi UFC-meistara í veltivigt, Robbie Lawler, á toppinn hafi ekki alltaf verið greið. Lawler hóf feril sinn í UFC árið 2002 en tveimur árum síðar datt hann út eftir að hafa tapað þremur af fjórum bardögum. Næstu rúmu átta árin barðist hann í öðrum og minni keppnum áður en hann komst aftur að hjá UFC, þar sem hann varð svo meistari í fyrra. „Gunni á svo margt eftir ógert og það er fullmikil svartsýni að ætla að afskrifa hann núna. Honum var refsað gegn Maia og það gerist þegar þú ert kominn í þennan gæðaflokk,“ segir hann og bætir við að það sé ekki auðvelt að takast á við jafn öflugan glímumann og Maia, hversu góður glímumaður sem Gunnar sé sjálfur.Sjá einnig: Maia kemur til Íslands og æfir með Gunnari Nelson „Það er ekkert smáræði að fá svona mann á bakið á sér. Það er mjög þreytandi og dregur úr manni orku. Það gerðust mjög fallegir hlutir í fyrstu lotunni og Gunni náði að verjast honum vel framan af, enda hefur hann áður keppt við menn í brasilísku jiu-jitsu sem eru jafn góðir og Maia. Þetta var bara ekki hans kvöld.“ Guttormur tekur undir þetta og bendir á að fáir hefðu getað varist Maia í þessari stöðu. „Það er sama í hversu góðu formi þú ert. Ef þú ert með svona mann sem bakpoka þá mun draga talsvert af þér,“ segir hann.Gott að æfa með Conor Allir eru sammála um að það henti Gunnari vel að berjast samtímis Conor McGregor, sem er nú orðinn UFC-meistari í fjaðurvigt. „Þeim finnst þægilegt að æfa sig saman, eru með sama þjálfara og hafa allt sitt lið í sama taktinum,“ segir Pétur Marinó. „Gunnari finnst sjálfum að það henti sér vel að æfa með öðrum bardagamönnum sem eru að berjast á sama tíma og hann og ég held að það sé rétt metið hjá honum.“ Guttormur segir að þeir séu ólíkir bardagamenn og það sé gott fyrir slíka menn að æfa saman. „Conor dregur svo marga Íra að sér og Írarnir elska Gunna líka. Ekki er það verra,“ bendir hann á. Guttormur hefur enn fremur ekki áhyggjur af að tapið um helgina muni gera nokkuð annað en að efla Gunnar. „Honum seinkar eitthvað á vegferð sinni upp metorðastigann. Hann var spenntur fyrir því að keppa um titilinn á næsta ári en líklega verður ekki af því, sérstaklega miðað við hvað það er mikið af sterkum mönnum í hans deild. En ég held að hann eigi eftir að vinna sig fljótt upp aftur og standa sig afar vel í næsta bardaga.“fréttablaðiðHvernig á 2016 að vera fyrir Gunnar Nelson?Annar tónn eftir næsta bardaga „Ég vil að að Gunnar taki þrjá bardaga á næsta ári,“ segir Dóri DNA. „Ég reikna með að hann fái einhvern andstæðing sem er á svipuðum stað á styrkleikalistanum og hann.“ Hann segir mikilvægt að Gunnar missi ekki dampinn þrátt fyrir tapið gegn Demian Maia um helgina. „Sérfróðir menn hafa talað um svínslegar bætingar hjá honum og við megum ekki vera of svartsýn. Eins og einhver góður maður sagði – ef þú tapar ekki af og til í MMA þá ertu að berjast við ranga fólkið.“Fljótt aftur í hringinn „Ef Gunnar nær að vinna 3-4 bardaga á næsta ári þá er hann kominn við toppinn í sínum þyngdarflokki. Ég vil að hann fari fljótt aftur í hringinn svo að hann nái að minnsta kosti þremur bardögum á næsta ári,“ segir Guttormur Árni Ársælsson. „Ég reikna með að næsti andstæðingur Gunnars verði einhver sem er fyrir utan topp tíu á styrkleikalistanum. En ég hef ekki nokkrar áhyggjur af því að Gunnar muni ekki standa sig vel í næsta bardaga.“Vorkenni næsta andstæðingi „Ég vil að Gunnar byrji á því að berjast við einhvern svipaðan andstæðing og John Hathaway, sem hann átti upphaflega að mæta á UFC 189 í sumar. Einhvern sem er rétt utan við topp fimmtán en er samt sterkur, með reynslu og ágætisnafn,“ segir Pétur Marinó Jónsson. „Ég sé fyrir mér að Gunnar komi fáránlega sterkur til leiks og leiki sér að honum. Ég vorkenni næsta andstæðingi Gunnars,“ segir hann og bætir við að hann vilji fá þrjá bardaga á næsta ári. „Það hefur bara einu sinni gerst áður og það var í fyrra.“ MMA Mest lesið Guðni stal senunni í Smáranum: „Sástu forsetann þarna?“ Körfubolti Heillaóskum rigndi yfir fimmtán ára hetju Fram í skólanum Íslenski boltinn Remy Martin ekki meira með í þessari úrslitakeppni Körfubolti Fengið nóg af því að vera ruslakista fyrir viðbjóð frá fólki Körfubolti „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti „Vestri hefur verið að taka leikhlé“ Íslenski boltinn Róbert fer frá Drammen og vill spila nærri Andreu Handbolti LeBron gæti fengið sig lausan frá Lakers og verið án félags í sumar Körfubolti „Af hverju þurfa þeir meiri athygli, er þetta ekki bara fínt?“ Körfubolti Bellingham reyndi að taka Kane á taugum fyrir vítið Fótbolti Fleiri fréttir Lewandowski gæti verið seldur á brunaútsölu Barcelona Baldvin með Íslandsmet og hársbreidd frá því að tryggja sig inn á EM Bellingham reyndi að taka Kane á taugum fyrir vítið Róbert fer frá Drammen og vill spila nærri Andreu „Ansi erfitt fyrir Grindvíkinga að hann hagi sér svona og fái mögulega leikbann“ Heillaóskum rigndi yfir fimmtán ára hetju Fram í skólanum Magnaður Maxey bjargaði Sixers frá sumarfríi Guðni stal senunni í Smáranum: „Sástu forsetann þarna?“ „Vestri hefur verið að taka leikhlé“ LeBron gæti fengið sig lausan frá Lakers og verið án félags í sumar Dagskráin í dag: Stórleikir og stórstjörnur út um allt Courtois ekki með Belgíu á EM Remy Martin ekki meira með í þessari úrslitakeppni Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ „Breytir einvíginu ansi mikið“ „Af hverju þurfa þeir meiri athygli, er þetta ekki bara fínt?“ Uppgjör: Grindavík - Keflavík 102-94 | Gulir unnu fyrsta bardagann Uppgjörið: Valur - ÍBV 30-22 | Valskonur mættu með sópinn gegn ÍBV Einvígið galopið eftir jafntefli í Þýskalandi Martin meiddist og á leið upp á sjúkrahús „Þú veist alveg svarið við þessu“ Teitur Örn og félagar í undanúrslit þrátt fyrir tap Lakers lætur Ham líklega fara Sextán ára og skoraði hjá Arsenal eins og Rooney forðum Leggja til að stofna launasjóð afreksíþróttafólks á Íslandi Bein útsending: Kynna tillögur að fyrirkomulagi afreksstarfs á Íslandi Víkingar bjóða Grindvíkingum í Víkina á morgun „Real Madrid lofaði mér að ég yrði arftaki Modric“ Sjá meira
Eftir tvö töp í síðustu þremur bardögum Gunnars Nelson er ljóst að uppgangur hans innan UFC verður ekki jafn hraður og aðdáendur hans vonuðust til í upphafi ferils hans innan bardagasambandsins bandaríska. Gunnar tapaði um helgina fyrir Brasilíumanninum Demian Maia sem vann yfirburðasigur á Íslendingnum sterka. Við tapið féll Gunnar um tvö sæti á styrkleikalista UFC í veltivigt. Fréttablaðið fékk álit þriggja mikilla áhugamanna um UFC og eru þeir á einu máli um að tapið fyrir Maia um helgina muni ekki hafa jafn slæm áhrif á feril Gunnars í UFC og margir óttast. „Það er algjör óþarfi að örvænta,“ segir Halldór Halldórsson, betur þekktur sem Dóri DNA, sem lýsti bardaganum á Stöð 2 Sport um helgina. Aðrir sem Fréttablaðið ræddi við eru Pétur Marinó Jónsson og Guttormur Árni Ársælsson sem hafa báðir lengi fylgst með bardagaíþróttum og fjallað um þær í fjölmiðlum.Sjá einnig: Gunnar Nelson missti mátt af ókunnum ástæðum eftir tvær mínútur „Þetta er ekki jafn mikið áfall og margir telja,“ segir Guttormur Árni sem undrast ekki að margir hafi áhyggjur af framtíð Gunnars eftir bardagann. „Ég hef heyrt menn tala á þeim nótum að þetta tap sé mikið bakslag fyrir hann en ég held að það sé ekki raunin. Umræðan úti er fremur á þann veg að bardaginn sýndi hversu ótrúlega fær Maia er fremur en að tala illa um hæfileika Gunnars.“ Pétur Marinó, sem var viðstaddur bardagann í Las Vegas, segir að menn séu afar fljótir að gleyma í blönduðum bardagalistum. „Það man enginn lengra aftur í tímann en síðasta bardaga. Menn eru fljótir að afskrifa þig ef þú varst ekki stórkostlegur í síðasta bardaga. Þegar menn vinna á ný þá ertu aftur orðinn frábær. Gunnar er enn á fínum aldri [27 ára] og ég hef enn sömu trú á honum á áður. Tapið breytir því ekki.“Vísir/GettyFullmikil svartsýni Dóri bendir á að vegferð núverandi UFC-meistara í veltivigt, Robbie Lawler, á toppinn hafi ekki alltaf verið greið. Lawler hóf feril sinn í UFC árið 2002 en tveimur árum síðar datt hann út eftir að hafa tapað þremur af fjórum bardögum. Næstu rúmu átta árin barðist hann í öðrum og minni keppnum áður en hann komst aftur að hjá UFC, þar sem hann varð svo meistari í fyrra. „Gunni á svo margt eftir ógert og það er fullmikil svartsýni að ætla að afskrifa hann núna. Honum var refsað gegn Maia og það gerist þegar þú ert kominn í þennan gæðaflokk,“ segir hann og bætir við að það sé ekki auðvelt að takast á við jafn öflugan glímumann og Maia, hversu góður glímumaður sem Gunnar sé sjálfur.Sjá einnig: Maia kemur til Íslands og æfir með Gunnari Nelson „Það er ekkert smáræði að fá svona mann á bakið á sér. Það er mjög þreytandi og dregur úr manni orku. Það gerðust mjög fallegir hlutir í fyrstu lotunni og Gunni náði að verjast honum vel framan af, enda hefur hann áður keppt við menn í brasilísku jiu-jitsu sem eru jafn góðir og Maia. Þetta var bara ekki hans kvöld.“ Guttormur tekur undir þetta og bendir á að fáir hefðu getað varist Maia í þessari stöðu. „Það er sama í hversu góðu formi þú ert. Ef þú ert með svona mann sem bakpoka þá mun draga talsvert af þér,“ segir hann.Gott að æfa með Conor Allir eru sammála um að það henti Gunnari vel að berjast samtímis Conor McGregor, sem er nú orðinn UFC-meistari í fjaðurvigt. „Þeim finnst þægilegt að æfa sig saman, eru með sama þjálfara og hafa allt sitt lið í sama taktinum,“ segir Pétur Marinó. „Gunnari finnst sjálfum að það henti sér vel að æfa með öðrum bardagamönnum sem eru að berjast á sama tíma og hann og ég held að það sé rétt metið hjá honum.“ Guttormur segir að þeir séu ólíkir bardagamenn og það sé gott fyrir slíka menn að æfa saman. „Conor dregur svo marga Íra að sér og Írarnir elska Gunna líka. Ekki er það verra,“ bendir hann á. Guttormur hefur enn fremur ekki áhyggjur af að tapið um helgina muni gera nokkuð annað en að efla Gunnar. „Honum seinkar eitthvað á vegferð sinni upp metorðastigann. Hann var spenntur fyrir því að keppa um titilinn á næsta ári en líklega verður ekki af því, sérstaklega miðað við hvað það er mikið af sterkum mönnum í hans deild. En ég held að hann eigi eftir að vinna sig fljótt upp aftur og standa sig afar vel í næsta bardaga.“fréttablaðiðHvernig á 2016 að vera fyrir Gunnar Nelson?Annar tónn eftir næsta bardaga „Ég vil að að Gunnar taki þrjá bardaga á næsta ári,“ segir Dóri DNA. „Ég reikna með að hann fái einhvern andstæðing sem er á svipuðum stað á styrkleikalistanum og hann.“ Hann segir mikilvægt að Gunnar missi ekki dampinn þrátt fyrir tapið gegn Demian Maia um helgina. „Sérfróðir menn hafa talað um svínslegar bætingar hjá honum og við megum ekki vera of svartsýn. Eins og einhver góður maður sagði – ef þú tapar ekki af og til í MMA þá ertu að berjast við ranga fólkið.“Fljótt aftur í hringinn „Ef Gunnar nær að vinna 3-4 bardaga á næsta ári þá er hann kominn við toppinn í sínum þyngdarflokki. Ég vil að hann fari fljótt aftur í hringinn svo að hann nái að minnsta kosti þremur bardögum á næsta ári,“ segir Guttormur Árni Ársælsson. „Ég reikna með að næsti andstæðingur Gunnars verði einhver sem er fyrir utan topp tíu á styrkleikalistanum. En ég hef ekki nokkrar áhyggjur af því að Gunnar muni ekki standa sig vel í næsta bardaga.“Vorkenni næsta andstæðingi „Ég vil að Gunnar byrji á því að berjast við einhvern svipaðan andstæðing og John Hathaway, sem hann átti upphaflega að mæta á UFC 189 í sumar. Einhvern sem er rétt utan við topp fimmtán en er samt sterkur, með reynslu og ágætisnafn,“ segir Pétur Marinó Jónsson. „Ég sé fyrir mér að Gunnar komi fáránlega sterkur til leiks og leiki sér að honum. Ég vorkenni næsta andstæðingi Gunnars,“ segir hann og bætir við að hann vilji fá þrjá bardaga á næsta ári. „Það hefur bara einu sinni gerst áður og það var í fyrra.“
MMA Mest lesið Guðni stal senunni í Smáranum: „Sástu forsetann þarna?“ Körfubolti Heillaóskum rigndi yfir fimmtán ára hetju Fram í skólanum Íslenski boltinn Remy Martin ekki meira með í þessari úrslitakeppni Körfubolti Fengið nóg af því að vera ruslakista fyrir viðbjóð frá fólki Körfubolti „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti „Vestri hefur verið að taka leikhlé“ Íslenski boltinn Róbert fer frá Drammen og vill spila nærri Andreu Handbolti LeBron gæti fengið sig lausan frá Lakers og verið án félags í sumar Körfubolti „Af hverju þurfa þeir meiri athygli, er þetta ekki bara fínt?“ Körfubolti Bellingham reyndi að taka Kane á taugum fyrir vítið Fótbolti Fleiri fréttir Lewandowski gæti verið seldur á brunaútsölu Barcelona Baldvin með Íslandsmet og hársbreidd frá því að tryggja sig inn á EM Bellingham reyndi að taka Kane á taugum fyrir vítið Róbert fer frá Drammen og vill spila nærri Andreu „Ansi erfitt fyrir Grindvíkinga að hann hagi sér svona og fái mögulega leikbann“ Heillaóskum rigndi yfir fimmtán ára hetju Fram í skólanum Magnaður Maxey bjargaði Sixers frá sumarfríi Guðni stal senunni í Smáranum: „Sástu forsetann þarna?“ „Vestri hefur verið að taka leikhlé“ LeBron gæti fengið sig lausan frá Lakers og verið án félags í sumar Dagskráin í dag: Stórleikir og stórstjörnur út um allt Courtois ekki með Belgíu á EM Remy Martin ekki meira með í þessari úrslitakeppni Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ „Breytir einvíginu ansi mikið“ „Af hverju þurfa þeir meiri athygli, er þetta ekki bara fínt?“ Uppgjör: Grindavík - Keflavík 102-94 | Gulir unnu fyrsta bardagann Uppgjörið: Valur - ÍBV 30-22 | Valskonur mættu með sópinn gegn ÍBV Einvígið galopið eftir jafntefli í Þýskalandi Martin meiddist og á leið upp á sjúkrahús „Þú veist alveg svarið við þessu“ Teitur Örn og félagar í undanúrslit þrátt fyrir tap Lakers lætur Ham líklega fara Sextán ára og skoraði hjá Arsenal eins og Rooney forðum Leggja til að stofna launasjóð afreksíþróttafólks á Íslandi Bein útsending: Kynna tillögur að fyrirkomulagi afreksstarfs á Íslandi Víkingar bjóða Grindvíkingum í Víkina á morgun „Real Madrid lofaði mér að ég yrði arftaki Modric“ Sjá meira