Darri Ingólfsson í Criminal Minds og á móti Clooney

Íslenski leikarinn Darri Ingólfsson hefur nóg á sinni könnu þessa dagana. Hann lék raðmorðingja í nýjasta þætti Criminal Minds. Þetta er ekki í fyrsta skipti sem Darri leikur raðmorðingja en það gerði hann einnig í bandarísku þáttunum um Dexter.

If you missed it this evening, catch me on #CriminalMinds#BeyondBorders on #CBS Couldn't ask for a better team to work with! #grateful

— Darri Ingolfsson (@DarriIngolfsson) April 9, 2015

Hann hefur einnig hreppt hlutverk í kvikmyndinni Money Monster sem koma á út í ár. Persóna Darra heitir Joji. Meðal þeirra sem leika á móti honum í henni eru George Clooney, Julia Roberts og Jack O‘Connell. Leikjstóri myndarinnar er Jodie Foster.

Money Monster fjallar um sjónvarpsmanninn Lee Gates, leikinn af Clooney, sem sérfræðir sig í málum Wall Street. Eftir að hafa gefið áhorfendum þáttarins slæmar ráðlegginar tekur einn sig til og ræðst inn á settið og heldur fólki í gíslingu. Í stað þess að stöðva útsendingu ákveður Gates að láta myndavélarnar rúlla og sýna frá herlegheitunum í beinni útsendingu.

@DarriIngolfsson I hear actors gravitate towards roles that fit their inner selves. So, another serial killer role, huh? #CriminalMinds

— Brian McCabe (@mccabeagent) April 9, 2015