Níu lönd vilja halda HM í handbolta

Alls hafa handknattleikssambönd níu landa lýst yfir áhuga að halda ýmist HM 2021 og 2023 í handbolta.

Ákveðið verður á fundi IHF-ráðsins svokallaða hjá Alþjóðahandknattleikssambandinu í sumar hvar mótin verða haldin en því hefur nú borist níu umsóknir í mótin tvö.

Ungverjaland, Sviss, Slóvakía, Pólland, Svíþjóð og Frakkland ætla að sækja um bæði mótin en Egyptaland aðeins um HM 2021 og Noregur og Suður-Kórea aðeins um HM 2023.

Færri umsóknir hafa borist í HM kvenna þessi sömu ár. Frakkar eru þeir einu sem hyggjast bjóða í HM 2021 en Noregur, Suður-Kórea og Frakkland ætla að sækja um HM 2023.

Handknattleikssambönd viðkomandi landa þurfa að samþykkja alla skilmála IHF fyrir 13. mars næstkomandi og leggja fram formlegar umsóknir fyrir 1. maí.