Endurkoma Pizza 67 ekki gengið áfallalaust: „Höfum þurft að ganga í gengum helvíti“

Rekstur Pizza 67 sem opnaði sinn fyrsta pitsastað eftir nokkurra ára hlé í Grafarvogi fyrir ári hefur gengið erfiðlega. Fyrirtækið skuldar starfsmönnum nú laun auk þess að hafa hvorki greitt lífeyris- né verkalýðsfélagagreiðslur. Engu síður var öðrum pitsastað bætt við reksturinn á Grensásvegi síðasta sumar.

Einar Hrafn Björnsson fyrrum starfsmaður Pizza 67, segist fyrirtækið skulda honum um 950 þúsund krónur í laun frá því í sumar og haust sem nú sé í innheimtu hjá VR.

„Ég og sambýliskonan mín höfum þurft að ganga í gengum helvíti vegna þess að ég fékk ekki laun og þurfum við ma að fá lán til þess að bókhald okkar gengi upp með tilheyrandi kostnaði. Ég á við hjartasjúkdóm að stríða sem allir 3 eigendur P67 ehf vissu en samt sem áður er þeim alveg sama þó ég sé að farast úr kvíða,“ segir Einar.



Sjá einnig: Pítsurnar seldust upp á tveim tímum

Þá segir Einar að fjármálastjórinn og eigendur fyrirtækisins hefðu látið hann svara fyrir að launagreiðslur til hans og annara starfsmanna hefðu ekki borist um hver mánaðamót.

Segir að allir fái greitt

Anton Traustason, einn eigendi P67, sem rekur pitsastaði Pizza 67, viðurkennir að félagið skuldi honum og fleiri aðilum laun. Þá hafi félagið heldur ekki greitt lífeyrissjóðum eða verkalýðsfélögum. Hins vegar muni allir núverandi og fyrrverandi starfsmenn fá greitt, það taki hins vegar tíma.

„Hann [Einar] var fullkomlega meðvitaður um þetta og vissi alveg að það var verið að berjast við að taka að sér stórt verkefni sem var miklu dýrara en við ætluðum okkur í upphafi og hann fær sína peninga, þetta bara tekur tíma að rétta þetta af.“

Sjá einnig: Pizza 67 opnar á Grensásvegi

Anton er ósáttur við að Einar sé að tala fyrirtækið niður sem komi niður á afkomu fyrirtækisins.

Anton bætir við að honum þyki orð Einars um að bera fyrir sig hjartveiki hlægileg. „Hvað er hann að taka að sér þessa stöðu ef hjartað hans leyfir það ekki?“

Of margir starfsmenn hafi verið þjálfaðir sem svo lítið sem ekkert hafi unnið fyrir fyrirtækið.  Þá skýrist skuldin einnig af afturvirkum kjarasamningshækkunum Eflingar. 

Hann býst við að afkoman batni á næstunni þar sem desember sé stærsti mánuður ársins í skyndibitabransanum.

Færslu Einars má sjá hér að neðan.

Sæl öll sömul.Nú er svo komið að ég hef ákveðið að deila reynslu minni af fyrrverandi vinnustað, P67 ehf sem rekur...

Posted by Einar Hrafn Björnsson on Monday, December 7, 2015