Martin sterkur í ævintýralegum sigri

Martin Hermannsson og félagar í LIU unnu einn spennuleikinn í bandaríska háskólaboltanum í kvöld.

Að þessu sinni náði LIU að leggja NC Central, 78-77. LIU er því búið að vinna alla þrjá leiki sína í vetur.

Eins og lokatölurnar gefa til kynna var leikurinn æsispennandi. NC Central hefði getað stolið sigrinum en vörn LIU stóðst áhlaupið. Varði skot á lokasekúndunum.

Martin spilaði í 35 mínútur í kvöld. Á þeim tíma náði hann að skora 15 stig, taka eitt frákast og gefa þrjár stoðsendingar. Hann nýtti þrjú af átta tveggja stiga skotum sínum og eitt þriggja stiga skot fór niður af tveimur.