Francois Hollande segir árásirnar hrylling

Þórgnýr Einar Albertsson skrifar 14. nóvember 2015 00:30

Francois Hollande lýsti yfir neyðarástandi vegna árásanna. Fréttablaðið/EPA

Francois Hollande Frakklandsforseti ávarpaði frönsku þjóðina í kvöld og talaði um hryðjuverkaárásirnar á Parísarborg.

„Þessar árásir eru hryllingur,“ sagði Hollande.

Vísir fylgist með ástandinu í París, sjá hér.

„Tvær ákvarðanir hafa verið teknar. Neyðarástandi hefur verið lýst yfir og því verður ýmsum svæðum lokað. Lokað verður fyrir umferð og umfangsmiklar leitir verða gerðar að árásarmönnunum á svæðinu. Hin ákvörðunin sem ég hef tekið er að loka landamærunum. Við verðum að tryggja að enginn komist inn í landið. Á sama tíma verðum við að tryggja að árásarmennirnir verði handteknir reyni þeir að komast úr landi.“

Hryðjuverkamennirnir vilja hræða okkur

Þá sagði Hollande einnig frá því að allt tiltækt lið hafi verið kallað á vettvang til að tryggja öryggi Parísarborgar. „Ég hef einnig beðið um aðstoð hersins. Í þessum töluðu orðum er herlið starfandi í Parísarborg til að tryggja að engar fleiri árásir verði gerðar.

Hollande biðlaði til þjóðar sinnar að halda ró sinni og standa saman og sagði hug sinn hjá fórnarlömbunum og fjölskyldum þeirra.

„Það sem hryðjuverkamennirnir vilja er að hræða okkur.“

Hollande var viðstaddur landsleik Frakklands og Þýskalands á Stade de France í kvöld en var fluttur af vettvangi í flýti eftir að sprengingar heyrðust inni á vellinum.

Hryðjuverk í París

Tengdar fréttir

Utanríkisráðherra: Hugur okkar er hjá Frökkum

Engar fregnir hafa borist af Íslendingum sem lent hafa í hryðjuverkaárásinni í París.

14. nóvember 2015 00:56

„Var skíthrædd á vellinum“

Anna Lára Sigurðardóttir var stödd á knattspyrnuleik Frakklands og Þýskalands þegar hryðjuverkin voru framin um alla Parísarborg

14. nóvember 2015 00:54

Allt að hundrað létust í gíslatökunni í tónlistarhúsinu í París

Vitni sá framan í einn árásarmanninn en var einn þeirra sem náði að flýja af vettvangi.

14. nóvember 2015 00:34

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.