Nóvemberspá Siggu Kling – Steingeit: Mikil ástarþörf í mánuðinum

Elsku steingeitin mín. Þú býrð yfir miklum hæfileikum og keppnisorku og þegar þú blandar þessum tveimur eiginleikum þínum saman er deginum ljósara að þú ert fæddur leiðtogi!

Þú þarft að vera nett á tánum á næstunni og vera með allt á hreinu því þá verður allt eins og þú vilt hafa það. Þú þarft að gera þér grein fyrir þínum eigin styrkleikum því það eru allir eitthvað svo mikið að pæla í þér. Það er einhver öfund út í þig og þá byrjar fólk að slúðra.

Dale Carnegie, mín mikla fyrirmynd, sagði að það sparkaði enginn í hundshræ, sem hægt er að túlka á þann hátt að það sé bara slúðrað um þá sem skipta máli. Og vittu til, þú skiptir miklu máli, elskan mín.

Þú átt eftir að lenda í óvenjulegum rökræðum sem fá þig til að hugsa um ný tækifæri.

Í þessum mánuði er þitt hlutverk að láta í ljós þitt skína og það er auðvelt fyrir þig að ná miklum frama. Það eina sem þú þarft að gera er að nenna því!

Það verður mikil ástarþörf hjá þér í mánuðinum en þú þarft að hugsa um hversu mikið þú ætlar að leggja undir í ástinni. Auðvitað er alltaf gott að elska en er þetta rétt manneskjan fyrir þig? Ef þér finnst það leggðu þá allt í sölurnar og vertu einlæg. Og ef þú ert í vafa um hvort þetta sé rétta manneskjan fyrir þig þá skalt þú bara segja upphátt „er þetta rétta manneskjan fyrir mig?“ og þá færðu til þín svar frá alheiminum. Fyrsta hugsunin er hin rétta.

Mottó: Ég þarf að þora til að skora

Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir, Jón Gnarr, Elvis Presley, Gunnar Þórðarson, Tómas Guðbjartsson læknahetja, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni.

Elsku steingeitin mín. Þú býrð yfir miklum hæfileikum og keppnisorku og þegar þú blandar þessum tveimur eiginleikum þínum saman er deginum ljósara að þú ert fæddur leiðtogi!