Gjaldþrotaskiptum í verktakafyrirtækið Innova ehf. er lokið. Samþykktar kröfur námu ríflega 1,2 milljörðum króna en félagið var lýst gjaldþrota í mars árið 2010.
7,6 milljónir fengust upp í veðkröfur og 11,7 milljónir króna upp í almennar kröfur sem samtals námu 1,2 miljörðum. Því fékkst 0,96% upp í almennar kröfur.
Innova, sem var í eigu Engilberts Runólfssonar athafnamanns fyrir hrun, var afar umsvifamikið á sviði byggingariðnaðar. Félagið var móðurfélag JB Byggingafélags og Ris sem bæði voru lýst gjaldþrota eftir hrun. Samkvæmt síðasta birta ársreikningi Innova frá árinu 2007 skuldaði félagið 15,7 milljarða króna. Bókfærðar eignir samstæðunnar námu 2,7 milljörðum en verk í vinnslu voru metin á 11,6 milljarða króna.
Sjá einnig: VBS lánaði milljarða út á loftkastalasmíða
Vísir greindi frá því að Engilbert hefði selt félagið í ágúst 2008 til starfsmanna JB og Ris.
Við það tilefni sagði Engilbert að hann hefði ekki selt Innova vegna erfiðra aðstæðna á markaði. „Tilboðið var mjög gott og ég geng mjög sáttur frá þessu. Ég óska þeim alls hins besta og ég veit að fyrirtækið á eftir að blómstra í þeirra höndum," sagði Engilbert.
1,2 milljarða gjaldþrot verktakafélagsins Innova
Tengdar fréttir
Segir VBS hafa stundað talnaleiki
Innova varð á meðal fimm umsvifamestu fyrirtækja í byggingageiranum að undangengnum samruna Stafna á milli við tvö önnur verktakafyrirtæki. Starfsmenn voru rúmlega tvö hundruð og veltan í kringum sjö milljarðar króna. Forstjóri fyrirtækisins var Engilbert Runólfsson. Hann sat inni fyrir aðild að fíkniefnainnflutningi fyrir fimmtán árum en varð stórtækur á fasteignamarkaði eftir aldamótin.
Fengu milljarða út á hús sem aldrei risu
VBS fjárfestingarbanki lánaði fyrirtæki Engilberts Runólfssonar milljarða króna til ýmissa fasteignaverkefna með veði í fasteignum sem aldrei risu.
