Innlent

Árásin í Grundarfirði: Situr inni þar til Hæstiréttur lýkur sér af

Samúel Karl Ólason skrifar
Frá Grundarfirði.
Frá Grundarfirði. Vísir/Vilhelm
Reynir Þór Jónsson, annar mannanna tveggja sem dæmdir voru fyrir hættulega líkamsárás á hafnarsvæðinu í Grundarfirði í fyrra, mun vera í gæsluvarðhaldi á Akureyri þar til áfrýjun hans til Hæstaréttar er lokið. Þó mun hann ekki sitja lengur inni en til fimmtudagsins 17. desember.

Þetta er niðurstaða Hæstaréttar eftir að Héraðsdómur Reykjavíkur komst að sömu niðurstöðu.  Þann 4. desember var Reynir dæmdur í fjögurra ára fangelsi í Héraðsdómi Vesturlands ásamt Carsten Staffelde, sem áfrýjaði dómnum ekki.

Sjá einnig: Mennirnir dæmdir í fjögurra ára fangelsi



Í dómi Héraðsdóms Reykjavíkur segir að ætla megi að það myndi valda hneykslun í samfélaginu og særa réttarvitund almennings ef sakborningur, sem hefði verið dæmdur fyrir jafn alvarlegt brot, gangi laus áður en máli hans sé lokið. Maðurinn sem ráðist var á missti minnið og telja læknar litlar líkur á að hann öðlist það aftur, né að hann nái sér nokkurn tímann að fullu.




Tengdar fréttir

Mest lesið


Fleiri fréttir

Sjá meira


×

Mest lesið