Syriza fær tæpan meirihluta á gríska þinginu

Syriza, flokkur Alexis Tsiprars, vann sigur í grísku þingkosningunum í gær. Í sigurræðu sinni sagði Tsipras að þetta væri sigur fólksins. Lýsti hann því yfir að ný ríkisstjórn yrði mynduð innan skamms með þátttöku Sjálfstæðra grikkja.

Þegar nær öll atkvæði hafa verið talin er Syriza með 35,5 prósent atkvæða, rúmum sjö prósentustigum meira en helsti keppinauturinn Nýtt lýðræði.

Samkvæmt innanríkisráðuneyti landsins þýðir það að flokkur Tsipras fær 145 þingsæti af 300, en það er aðeins fjórum færra en þegar flokkurinn kom og vann stórsigur í síðustu þingkosningum.