Kanye West tilkynnti um forsetaframboð árið 2020

Tónlistarmaðurinn Kanye West ætlar að bjóða sig fram sem forseti Bandaríkjanna árið 2020 en kappinn tilkynnti um þetta á MTV tónlistarmyndbandahátíðinni í gær í Los Angeles.

West fékk Vanguard verðlaunin á hátíðinni í gær en það eru ein virtustu verðlaun MTV og fá listamenn þau fyrir ævistarf sitt í þágu tónlistarinnar og myndbandagerð.

Það fór vel á því að Taylor Swift afhenti West verðlaunin en það er löngu orðið frægt þegar Kanye fór upp á svið á sínum tíma og truflaði Swift þegar hún tók á móti sínum verðlaunum.

„Ég hef ákveðið að bjóða mig fram sem forseti Bandaríkjanna,“ sagði West í gær.