ESB sakar Google um brot á samkeppnislögum

Evrópusambandið hefur sent Google kvörtunarbréf vegna brota á markaðsráðandi stöðu fyrirtækisins. BBC greinir frá.

Google er gefið að sök að hafa brotið gegn samkeppnislögum með því að birta tengla sem vísa í fyrirtæki í eigu Google á undan helstu samkeppnisaðilum.  Google gæti átt yfir höfði sér milljarða evra sektagreiðslur verði fyrirtækið sakfellt fyrir athæfið.

Google hefur verið til rannsóknar hjá ESB undanfarin fimm ár vegna brota á markaðsráðandi stöðu sinni. Fyrirtækið er með 90% af leitarvélamarkaði innan ESB.

Google hefur hafnað ásökununum en netrisinn hefur tíu vikur til að svara bréfinu formlega.