Robbi Chronic fékk viskýflösku að gjöf frá Beckham-hjónunum

Róbert Aron Magnússon, Robbi Chronic, deilir á Facebook mynd af viskýflösku sem hann fékk að gjöf frá Beckham-hjónunum David og Viktoríu.

Robbi virðist hafa fengið flöskuna að gjöf eftir að Tommi's Burger Joint í London tókst að gera afmæli Brooklyn, frumburðar hjónanna, ógleymanlegt en Róbert starfar þar.

Brooklyn deildi fyrr í mánuðinum mynd á Instagram þar sem hann stendur alsæll með skilti af staðnum.

Fólk á veraldarvefnum er alls ekki sammála um það hvort viský-ið sé gott eður ei. Einstaka eru hrifnir en flestir segja að þetta sé eins og versti skítur, líti út eins og rakspíri og bragðist eins. Einn sagðist fremur vilja logsjóða af sér geirvörturnar en drekka þennan óbjóð.