Aron og lærisveinar ekki í úrslit

Aron Kristjánsson og lærisveinar hans í KIF Kolding töpuðu fyrir Skjern í undanúrslit dönsku bikarkeppninnar. Lokatölur urðu 26-23, en Kolding var þó yfir í hálfleik.

Kolding var sterkari aðilinn í fyrri hálfleik og leiddi með fjórum mörkum í hálfleik, 13-9. Endurkoma Skjern var mögnuð í síðari hálfleik, en þeir unnu að lokum þriggja marka sigur, 26-23.

Skjern er því komið í úrslitaleikinn, en þeir mæta Álaborg eða Tvis Holstebro í bikarúrslitaleiknum á morgun.

Aron Kristjánsson hættir sem kunnugt er með Kolding í sumar eins og Vísir greindi frá í vikunni.