Lögreglan vinnur að því að bera kennsl á konu sem fannst látin í sjónum

Lögreglan á höfuðborgarsvæðinu vinnur nú að því að bera kennsl á konu, sem fannst látin í sjónum við Sæbraut í Reykjavík í morgun en þetta kemur fram í tilkynningu frá Lögreglunni á höfuðborgarsvæðinu.

Sjá einnig: Líkfundur við Sæbraut

Tilkynning um málið barst á tíunda tímanum, en konan fannst skammt frá útilistaverkinu Sólfarið. Konan er í kringum sextugt, en talið er að hún hafi látist á síðasta sólarhring.

Ekki er talið að andlátið hafi borið að með saknæmum hætti. Þeir sem kunna að geta gefið upplýsingar um konuna eru beðnir um að hafa samband við lögregluna í síma 444 1000.