Innlent

Eldgosinu í Holuhrauni er lokið

Atli Ísleifsson skrifar
Áfram verður fylgst með gasmenguninni frá gosstöðvunum og hraunbreiðunni í Holuhrauni.
Áfram verður fylgst með gasmenguninni frá gosstöðvunum og hraunbreiðunni í Holuhrauni. Vísir/Haraldur Unason Diego

Vísindamannaráð almannavarna fundaði í morgun vegna umbrotanna í Bárðarbungu og var niðurstaða fundarins að eldgosinu, sem hófst 31. ágúst 2014 í Holuhrauni væri lokið.

Í tilkynningu frá almannavörnum segir að nauðsynlegt sé að fylgjast áfram mjög vel með Bárðarbungu.

„Áfram verður fylgst með gasmenguninni frá gosstöðvunum og hraunbreiðunni í Holuhrauni. Á þessu stigi hefur ekki verið tekin ákvörðun um að breyta aðgangsstýrða svæðinu norðan Vatnajökuls.

Almannavarnir vinna áfram á hættustigi, en litakóði fyrir flug hefur verið lækkaður úr appelsínugulum í gulan. Næsti fundur vísindamannaráðs er fyrirhugaður þriðjudaginn 3. mars 2015.“

Í tilkynningu frá Veðurstofunni segir að frá því í gærmorgun hafi mælst rúmlega tuttugu jarðskjálftar í Bárðarbungu.

Stærsti skjálftinn mældist 1,8 að stærð klukkan 18:41 í gærkvöldi.Í kvikuganginum mældust einnig rúmlega 20 skjálftar og voru þeir undir 1,2 að stærð. Við Herðubreið voru tæplega 10 skjálftar, allir minni en 1,2 stig.“

Að neðan má sjá ljósmyndir sem Haraldur Unason Diego tók yfir gosstöðvunum í gær.

Mynd/HARALDUR UNASON DIEGO
MYND/HARALDUR UNASON DIEGO
MYND/HARALDUR UNASON DIEGO


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.