Kim Kardashian íhugar staðgöngumóður: „Vill ekki fitna aftur"

Sjónvarpsstjarnan hefur talað um að sig langi til að eignast annað barn með eiginmanni sínum Kayne West en að ganga með barnið er annað mál.

Því hefur hún lýst því yfir að staðgöngumóðir komi sterklega til greina.

Eins og frægt er orðið bætti Kim töluvert á sig á sinni fyrstu meðgöngu og fékk fyrir vikið mikla og óvæga gagnrýni slúðurpressunnar vestra. Eftir að North litla, sem nú er 18 mánaða, kom í heiminn fór Kim í mjög strangt aðhald til að koma líkamanum aftur í fyrra form og birti reglulega sjálfsmyndir á Instagram svo að aðdáendur hennar gætu nú fylgst með árangrinum.

Að sögn heimildarmanns RadarOnline ætlar Kim nú að leita til staðgöngumóður: „Hún vil ekki þyngjast svona mikið aftur. Nú hefur hún lagt á sig gríðarlega vinnu til að endurheimta sinn fræga vöxt og hún er hrædd um að geta ekki endurtekið þann leik."

„Fyrir utan þyngdaraukinguna var meðgangan henni mjög erfið og þetta var mikið álag á líkamann. Hún fékk mikla krampa og öll þessi óþægindi ollu henni þunglyndi. Það er klárt mál að ekkert verður upplýst um staðgöngumóðurina og að grannt verður fylgst með heilsufari hennar á meðan meðgangan stendur yfir."

Eins og flestir aðdáendur Kardashian systra vita bauðst Kourtney til að ganga með barn fyrir systur sína Khole á sínum tíma en slíkt myndi aldrei koma til greina fyrir Kim þar sem hún þykir stjórnsöm með afbrigðum.

„Hún myndi gera þetta hiklaust fyrir Khole, Kim er hinsvegar svo hrikalega stjórnsöm að þetta yrði bara martröð fyrir Kourtney."

On set using my @premadonna87's waist trainer before I shoot! #premadonna87 is my fave! @pre_shop #waistgangsociety

Una foto publicada por Kim Kardashian West (@kimkardashian) el Ene 13, 2015 at 1:07 PST

Þessar línur kýs Kim að halda í enda var mikið fyrir þeim haft.