Hugi Guðmundsson hlýtur Íslensku bjartsýnisverðlaunin Atli Ísleifsson skrifar 2. janúar 2015 17:44 Hugi Guðmundsson tónskáld hlýtur Íslensku bjartsýnisverðlaunin 2014. Vísir/Stefán Hugi Guðmundsson tónskáld hlýtur Íslensku bjartsýnisverðlaunin 2014. Forseti Íslands afhenti verðlaunin við hátíðlega athöfn á Kjarvalsstöðum í dag; sérsmíðaðan grip úr áli frá Straumsvík og eina milljón króna. Hugi, sem er fæddur 1977, nam tónsmíðar við Tónlistarskólann í Reykjavík og útskrifaðist þaðan vorið 2001. Hann lauk mastersgráðu í tónsmíðum frá Konunglegu Tónlistarakademíunni í Kaupmannahöfn 2005 og mastersgráðu í raf- og tölvutónlist frá Sonology-stofnuninni í Den Haag í Hollandi 2007. Í tilkynningu segir að tónverk hans spanni allt frá einleiksverkum til hljómsveitarverka og eru leikin reglulega bæði hér heima og erlendis. Hann hefur starfað með mörgum af helstu tónlistarmönnum landsins, m.a. Herði Áskelssyni, Caput, KaSa-hópnum, Árna Heimi Ingólfssyni, Hamrahlíðarkórnum og Þorgerði Ingólfsdóttur, Schola Cantorum og fleirum. „Hugi hefur níu sinnum verið tilnefndur til Íslensku tónlistarverðlaunanna og hlaut verðlaunin 2007 og 2012, í bæði skipti fyrir tónverk ársins. Hann var staðartónskáld Sumartónleika í Skálholti 2003 og 2005 og var nýlega skipaður einn þriggja listrænna stjórnenda Sumartónleikanna næstu þrjú árin. Verk hans hlutu sérstök meðmæli dómnefndar alþjóðlega tónskáldaþingsins IRC 2006 og 2010. Hann var tilnefndur sem unga tónskáld ársins hjá ISCM, alþjóðasambandi um samtímatónlist, 2011. Hann átti eitt 20 verka sem voru valin úr 500 umsóknum á hinni virtu MATA tónlistarhátíð í New York 2012 og það ár var hann einnig heiðursgestur Musicarama-hátíðarinnar í Hong Kong. Hann vann tónsmíðakeppni Norrænna músíkdaga í Finnlandi 2013 og verk sem hann er meðhöfundur að var tilnefnt til tónlistarverðlauna Norðurlandaráðs 2014. Í vor hlaut hann þriggja ára starfslaun frá danska ríkinu, en aðeins þrjú til fjögur tónskáld á ári eru valin til að hljóta þau. Í verkum sínum tengir Hugi gjarnan saman nútímann og hefðir fortíðar og kallar þannig fram samspil hins gamla og nýja. Guðni Tómasson valdi "Apocrypha" bestu hljómplötu ársins 2008 og sagði að verkið byði upp á nýjan spennandi tónheim í íslenskri tónlist sem væri engu líkur. Jónas Sen gaf hljómplötunni "Í djúpsins ró" (2013) fimm stjörnur og sagði að Hugi hefði þann sjaldgæfa hæfileika að semja grípandi laglínur; verkin á plötunni væru ávallt fersk, full af ótrúlega hrífandi tilfinningu; platan væri ljós í myrkrinu fyrir þá sem vildu halda á vit innri ævintýra. Frú Vigdís Finnbogadóttir, formaður dómnefndar, kynnti valið við athöfnina í dag. Aðrir í dómnefnd eru Rannveig Rist, Sveinn Einarsson og Örnólfur Thorsson. Sveinn lætur nú af dómnefndarstörfum eftir að hafa sinnt þeim í meira en áratug. Þórunn Sigurðardóttir hefur góðfúslega fallist á að ganga til liðs við dómnefndina í hans stað. Íslensku bjartsýnisverðlaunin hafa verið veitt árlega frá árinu 1981. Þau eru hugsuð sem viðurkenning og hvatning til íslenskra listamanna. Upphafsmaður verðlaunanna var danski athafnamaðurinn Peter Bröste en álverið í Straumsvík hefur verið bakhjarl þeirra frá árinu 2000 eða frá því að Bröste dró sig í hlé.“ Verðlaunahafar undanfarin fimm ár voru Ragnar Kjartansson, Helga Arnalds, Sigrún Eldjárn, Gísli Örn Garðarsson og Víkingur Heiðar Ólafsson. Mest lesið Reiður Trump segir Schumer að fara til helvítis Erlent Segir „erfiðara“ að náða Diddy eftir „hræðilegar yfirlýsingar“ Erlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Níu ára stúlka frá Þýskalandi sem lést Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent „Við erum auðvitað mjög slegin yfir þessu slysi“ Innlent Leiddi fordæmalausa bænastund á Musterishæð Erlent Fleiri fréttir Landeigendur í Reynisfjöru skoða hvað megi bæta í upplýsingagjöf „Við erum auðvitað mjög slegin yfir þessu slysi“ Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir Sjá meira
Hugi Guðmundsson tónskáld hlýtur Íslensku bjartsýnisverðlaunin 2014. Forseti Íslands afhenti verðlaunin við hátíðlega athöfn á Kjarvalsstöðum í dag; sérsmíðaðan grip úr áli frá Straumsvík og eina milljón króna. Hugi, sem er fæddur 1977, nam tónsmíðar við Tónlistarskólann í Reykjavík og útskrifaðist þaðan vorið 2001. Hann lauk mastersgráðu í tónsmíðum frá Konunglegu Tónlistarakademíunni í Kaupmannahöfn 2005 og mastersgráðu í raf- og tölvutónlist frá Sonology-stofnuninni í Den Haag í Hollandi 2007. Í tilkynningu segir að tónverk hans spanni allt frá einleiksverkum til hljómsveitarverka og eru leikin reglulega bæði hér heima og erlendis. Hann hefur starfað með mörgum af helstu tónlistarmönnum landsins, m.a. Herði Áskelssyni, Caput, KaSa-hópnum, Árna Heimi Ingólfssyni, Hamrahlíðarkórnum og Þorgerði Ingólfsdóttur, Schola Cantorum og fleirum. „Hugi hefur níu sinnum verið tilnefndur til Íslensku tónlistarverðlaunanna og hlaut verðlaunin 2007 og 2012, í bæði skipti fyrir tónverk ársins. Hann var staðartónskáld Sumartónleika í Skálholti 2003 og 2005 og var nýlega skipaður einn þriggja listrænna stjórnenda Sumartónleikanna næstu þrjú árin. Verk hans hlutu sérstök meðmæli dómnefndar alþjóðlega tónskáldaþingsins IRC 2006 og 2010. Hann var tilnefndur sem unga tónskáld ársins hjá ISCM, alþjóðasambandi um samtímatónlist, 2011. Hann átti eitt 20 verka sem voru valin úr 500 umsóknum á hinni virtu MATA tónlistarhátíð í New York 2012 og það ár var hann einnig heiðursgestur Musicarama-hátíðarinnar í Hong Kong. Hann vann tónsmíðakeppni Norrænna músíkdaga í Finnlandi 2013 og verk sem hann er meðhöfundur að var tilnefnt til tónlistarverðlauna Norðurlandaráðs 2014. Í vor hlaut hann þriggja ára starfslaun frá danska ríkinu, en aðeins þrjú til fjögur tónskáld á ári eru valin til að hljóta þau. Í verkum sínum tengir Hugi gjarnan saman nútímann og hefðir fortíðar og kallar þannig fram samspil hins gamla og nýja. Guðni Tómasson valdi "Apocrypha" bestu hljómplötu ársins 2008 og sagði að verkið byði upp á nýjan spennandi tónheim í íslenskri tónlist sem væri engu líkur. Jónas Sen gaf hljómplötunni "Í djúpsins ró" (2013) fimm stjörnur og sagði að Hugi hefði þann sjaldgæfa hæfileika að semja grípandi laglínur; verkin á plötunni væru ávallt fersk, full af ótrúlega hrífandi tilfinningu; platan væri ljós í myrkrinu fyrir þá sem vildu halda á vit innri ævintýra. Frú Vigdís Finnbogadóttir, formaður dómnefndar, kynnti valið við athöfnina í dag. Aðrir í dómnefnd eru Rannveig Rist, Sveinn Einarsson og Örnólfur Thorsson. Sveinn lætur nú af dómnefndarstörfum eftir að hafa sinnt þeim í meira en áratug. Þórunn Sigurðardóttir hefur góðfúslega fallist á að ganga til liðs við dómnefndina í hans stað. Íslensku bjartsýnisverðlaunin hafa verið veitt árlega frá árinu 1981. Þau eru hugsuð sem viðurkenning og hvatning til íslenskra listamanna. Upphafsmaður verðlaunanna var danski athafnamaðurinn Peter Bröste en álverið í Straumsvík hefur verið bakhjarl þeirra frá árinu 2000 eða frá því að Bröste dró sig í hlé.“ Verðlaunahafar undanfarin fimm ár voru Ragnar Kjartansson, Helga Arnalds, Sigrún Eldjárn, Gísli Örn Garðarsson og Víkingur Heiðar Ólafsson.
Mest lesið Reiður Trump segir Schumer að fara til helvítis Erlent Segir „erfiðara“ að náða Diddy eftir „hræðilegar yfirlýsingar“ Erlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Fagna afmæli virkjunar sem sökkti sveitajörðum en rafvæddi síldarbæ Innlent Níu ára stúlka frá Þýskalandi sem lést Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent „Við erum auðvitað mjög slegin yfir þessu slysi“ Innlent Leiddi fordæmalausa bænastund á Musterishæð Erlent Fleiri fréttir Landeigendur í Reynisfjöru skoða hvað megi bæta í upplýsingagjöf „Við erum auðvitað mjög slegin yfir þessu slysi“ Fullt af furðubátum keppa á Flúðum í dag Níu ára stúlka frá Þýskalandi sem lést Tilkynnt um þrjár líkamsárásir en flestir gestir „vel búnir, kurteisir og til fyrirmyndar“ Vinnsla stöðvuð í Vatnsfellsvirkjun vegna leka Ekki hlynntur lokun Reynisfjöru og líkamsárásir um helgina Meistaraverkefni sem endaði í The Lancet: „Af hverju ekki að miða hátt?“ Herjólfur siglir í dag Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir Sjá meira