Breytti brúðarkjólnum í listaverk eftir að maðurinn aflýsti brúðkaupinu

Bandaríska konan Shelby Swinks tók óvænta ákvörðun eftir að unnusti hennar aflýsti skyndilega brúðkaupi þeirra örfáum dögum fyrir athöfnina.

Swinks ákvað að birta myndband af sér í brúðarkjólnum - kjóll sem hefði geta orðið leiðinlegur minnisvarði um sambandsslitin - þar sem brúðarmeyjarnar og foreldrar hennar skvetta málningu á kjólinn svo úr verður litríkt listaverk.

„Um leið og málningin hæfði kjólinn varð ég frjáls. Allt svekkelsi og sársauki hvarf einfaldlega,“ skrifar Swinks á vefnum Offbeatbride.

Í myndbandinu er svo lagið „So What“ með Pink spilað en í laginu má meðal annars finna laglínuna „Guess I just lost my husband / I don't know where he went“.

Sjá má myndband Swinks að neðan.